شوۆي كۋرورتىنداعى كوشكىن: قۇرباندار سانى ارتىپ، جوعالعاندار ىزدەستىرىلىپ جاتىر
كوشكىننەن كەيىن ون ءۇشىنشى كۇنى گرۋزيانىڭ شوۆي كۋرورتىندا قازا تاپقاندار سانى 26 ادامعا جەتتى، تاعى جەتى ادام ءىز- ءتۇزسىز جوعالعاندار تىزىمىندە.
ىزدەۋ- قۇتقارۋ جۇمىستارى اپات بولعان ورتالىقتا دا، ريوني جانە چانچاحي وزەندەرىنىڭ اڭعارىندا جالعاسىپ جاتىر.
گرۋزيا ىشكى ىستەر مينيسترلىگىنىڭ مالىمەتىنشە، قۇتقارۋشىلار ەپيتسەنتردەگى ءۇيىندىنىڭ %90 ىن ءسۇزىپ شىقتى.
ىزدەۋ جۇمىستارىنا قوسىمشا كۇش تارتىلىپ، اۋىر جانە سۋ تەحنيكاسى جۇمىلدىرىلدى.
بيلىكتىڭ مالىمەتىنشە، شوۆي كۋرورتىنداعى جويقىن كوشكىننىڭ سەبەبى - بىرنەشە گەولوگيالىق جانە گيدرومەتەورولوگيالىق قۇبىلىستاردىڭ ءبىر ۋاقىتا سايكەس كەلۋى.
ەسكە سالايىق، 3- تامىزدا گرۋزيانىڭ باتىسىنداعى راچا تاۋلى ايماعىندا بولعان كوشكىننەن شوۆي كۋرورتى تولىق جويىلدى.
گرۋزيانىڭ شوۆي كۋرورتىندا بولعان قايعىلى جاعدايعا بايلانىستى 7-تامىز ەلدە قارالى كۇن بولىپ جاريالاندى.
