استانا حالقىنىڭ ناقتى سانى بەلگىلى بولدى
«2023 -جىلدىڭ 1-ماۋسىمىندا ەلوردا تۇرعىندارىنىڭ سانى 1 ميلليون 376 مىڭ ادامعا جەتتى. حالىقتىڭ جىل سايىنعى ءوسىمى 50 مىڭنان استام ادامدى قۇرايدى»، - دەدى بۇگىن قوعامدىق تالقىلاۋ بارىسىندا «استانا قالاسىنىڭ 2035 -جىلعا دەيىنگى باس جوسپارىنىڭ» جاڭا جوباسىن تانىستىرعان سەرىك ءابدىراحمانوۆ.
اتاپ وتۋىنشە، قازىرگى قولدانىستاعى 2016 -جىلعى باس جوسپارعا سايكەس، ەلوردا اۋماعى 71 مىڭ گەكتار بولاتىن. ءبىراق، 2017 -جىلدىڭ 6-اقپانىندا پرەزيدەنت جارلىعىمەن استاناعا اقمولا وبلىسىنىڭ سەلينوگراد اۋدانىنىڭ 8719 گەكتار جەرى قوسىلدى. وسىلايشا، قالا اۋدانى 79,7 مىڭ گەكتارعا جەتىپ وتىر.
بۇعان دەيىن «استانا قالاسىنىڭ 2035 -جىلعا دەيىنگى باس جوسپارىنىڭ» جاڭا جوباسى بويىنشا قوعامدىق تالقىلاۋ وتكەنىن جازعان ەدىك.
ەلوردادان 30 شاقىرىم راديۋستا بولجامدى حالىق سانى 283 مىڭ ادامدى قۇرايتىن 39 ەلدى مەكەن ورنالاسقان.
