ا ق ش- تا جاپپاي اتىس وقيعالارى بويىنشا انتيرەكورد تىركەلدى

ۆاشينگتون. قازاقپارات - تامىز ايىنىڭ ورتاسىندا ا ق ش - تا جاپپاي اتىس وقيعالارىنىڭ سانى الدىڭعى جىلدارداعى كورسەتكىشتەردەن اسىپ ءتۇستى. ەلدە كەزەكتى انتيرەكورد تىركەلدى، دەپ حابارلايدى قازاقپارات تاسس اگەنتتىگىنە سىلتەمە جاساپ.

«بيىلعى جىلدىڭ 227 كۇنىندە 41 شتاتتا جانە كولۋمبيا استانالىق وكرۋگىندە جاپپاي اتىستىڭ 443 دەرەگى بولدى»، - دەپ حابارلايدى Gun Violence archive پورتالى.

ساراپشىلار ەسەبىنە سۇيەنسەك، بيىل ەلدە جاپپاي كىسى ءولتىرۋدىڭ 28 وقيعاسى بولدى.

بىلتىر وسى ۋاقىتتا ا ق ش- تا جاپپاي اتىستىڭ – 414، جاپپاي كىسى ءولتىرۋدىڭ 19 جاعدايى تىركەلگەن ەدى. ال 2021 -جىلى وسىنداي 688 وقيعا ورىن الدى، بۇل - كەيىنگى ونجىلدىقتاعى ەڭ جوعارى سيفرلار.

پورتالدىڭ حابارلاۋىنشا، تامىزدىڭ ورتاسىنا قاراي جاپپاي اتىسۋدىڭ – 433، كىسى ءولتىرۋدىڭ 18 قىلمىسى بولدى. ەگەر قازىرگى ديناميكا ساقتالسا، ياعني كۇنىنە ورتا ەسەپپەن ەكى جاپپاي اتىس وقيعاسى تىركەلسە، جىل سوڭىنا دەيىن ا ق ش- تا وسىنداي 700 دەن استام ەپيزود بولۋى ىقتيمال.

ەسكە سالا كەتسەك، جاپپاي اتىس - ونداعان جىلدار بويى امەريكا قوعامىنىڭ ەڭ وزەكتى ماسەلەلەرىنىڭ ءبىرى. 2023 -جىلدىڭ قاڭتارىندا عانا ا ق ش- تا 51 جاعداي بولىپ، سالدارىنان 87 ادام قازا تاپتى، 180 دەن استام ادام جاراقات الدى.