سۋ داۋى: قازاقستان مەن قىرعىز رەسپۋبليكاسى قانداي شەشىمگە كەلدى

استانا. قازاقپارات - ق ر ەكولوگيا جانە تابيعي رەسۋرستار مينيسترلىگى قىرعىز رەسپۋبليكاسى سۋ رەسۋرستارى قىزمەتى باسشىسىنىڭ پىكىرىنە قاتىستى تۇسىنىك بەردى، دەپ حابارلايدى قازاقپارات.

«قازسۋشار» ر م ك جامبىل فيليالى قىرعىز رەسپۋبليكاسى سۋ رەسۋرستارى قىزمەتىنىڭ باسشىسى ا. سوكەيەۆتىڭ پىكىرىنشە شىن مانىندە تالاس وزەنىنىڭ سۋىنىڭ ازدىعىنان، سونداي-اق قالىپتان تىس ىستىق جانە قۇرعاق اۋا رايىنا بايلانىستى قازاقستانعا كيروۆ سۋ قويماسىنان ۆەگەتاتسيالىق كەزەڭنىڭ شىڭىنا سۋ اعىزۋ جەتكىلىكسىز بولعانىن حابارلايدى. وسىعان بايلانىستى قازاقستانعا سۋ قويماسىنان 1-تامىزعا دەيىن 45 م3/سەك شىعىنمەن سۇرانىستى قولداۋ تۋرالى شەشىم قابىلداندى، بۇل رەتتە تالاس بوگەتىنە تەك 30 م3/سەك ءتۇستى»، - دەدى قازاقستان ەكولوگيا جانە تابيعي رەسۋرستار مينيسترلىگىنەن.

وسىنداي شىعىن كەزىندە بايزاق، جامبىل جانە تالاس اۋداندارىندا شامامەن 26 مىڭ گەكتار القاپتا ەگىندى ساقتاۋعا مۇمكىندىك بەردى. قازىرگى ۋاقىتتا سۋارۋ «قازسۋشار» ر م ك جامبىل فيليالى قىرعىزستان اۋماعىندا تىكەلەي مەملەكەتتىك شەكارا بويىندا جۇرگىزەتىن درەناجدى تازارتۋ ەسەبىنەن جۇزەگە اسىرىلادى. بۇل شارالار ەگىن شىعىنىن بارىنشا ازايتۋعا مۇمكىندىك بەردى جانە قازىرگى ۋاقىتتا سۋ اينالىمى ادىسىمەن قولدا بار شىعىن اتالعان اۋداندارعا بەرىلەدى.

«تالاس وزەنىنە ىلىنگەن القاپتاردىڭ سۋ تاپشىلىعىنان كەلتىرىلگەن زالال شامامەن 560 گەكتار (شامامەن 26 مىڭ گەكتار الاڭعا شارت جاسالدى، ياعني ەگىن القابىنىڭ %99 عا جۋىعى ساقتالدى). بۇل شارالار جاسالۋى قاجەت بولدى جانە تاجىريبە كورسەتكەندەي، قابىلدانعان شارالار اقتالدى.

ءدال وسىنداي تاجىريبە 2021 -جىلى دا جۇرگىزىلدى. سودان كەيىن قىرعىز تاراپى ءتىرى اعىنعا سۋ بەرۋ جونىندەگى ءوز مىندەتتەمەلەرىن ورىندادى جانە قازاقستان ەگىنى ايتارلىقتاي شىعىنسىز شىقتى. بيىل سۋ قويماسىنا سۋ ءتۇسىمى ۇلعايعان كەزدە قازاقستانعا سۋ اعىزۋ ۇلعايتىلادى نەمەسە ءتىرى اعىنمەن جۇمىس ىستەيتىن بولادى دەگەن كەلىسىم جاسالدى»، - دەدى مينيسترلىكتەن.

بيىل شىلدەدە قىرعىزستانمەن شەكارالاس جامبىل وبلىسىنىڭ ەگىستىگىنە قاۋىپ تونگەن ەدى. جامبىلدىق فەرمەرلەر كورشىلەردى ترانسشەكارالىق وزەندە سۋ قويمالارىن سالدى دەپ ايىپتاپ، دابىل قاقتى. ەكىجاقتى كەزدەسۋ وتكەنمەن تامىز ايىندا سۋ تاپشىلىعى ماسەلەسى شەشىلە قويمادى.

قازاقستاندىق فەرمەرلەردىڭ نارازىلىعىنا جاۋاپ رەتىندە قىرعىز تاراپى: «قازاقستانعا سۋ جەتكىزۋدە قيىن جاعداي تۋىندادى، قىرعىز بيلىگى ءوز اۋىلدارى ءۇشىن سۋدى ۇنەمدەۋگە ءماجبۇر بولدى. وسىعان بايلانىستى قازاقستانعا سۋ بەرۋدى توقتاتۋ تۋرالى شەشىم قابىلداندى»، - دەپ جاۋاپ بەرگەن ەدى.