10:22, 16 - تامىز 2023 | GMT +6
استانادا ەكى جاستىڭ تانىستىعى سپايكينگپەن اياقتالدى
استانا. قازاقپارات - استانادا ەكى جاستىڭ تانىستىعى سپايكينگپەن اياقتالعان، دەپ حابارلايدى قازاقپارات Polisia.kz-كە سىلتەمە جاساپ.
پوليتسياعا جاس قىز ارىزدانىپ، سىرتتاي تانىس ادامنىڭ كوفەگە ەسىرتكى زاتىن ارالاستىرىپ بەرگەنىن ايتقان. تەرگەۋ ارەكەتتەرىن جۇرگىزۋ بارىسىندا قىزدىڭ الەۋمەتتىك جەلى ارقىلى جىگىتپەن تانىسقانى انىقتالدى.
جاستار ۆيرتۋالدى تانىستىعىن كەزدەسۋمەن جالعاعان. كوفە ىشۋگە بارعان قىزدىڭ ەسىندە ارى قاراي بولعان وقيعا قالماعان. ءتارتىپ ساقشىلارى قالانىڭ 33 جاستاعى تۇرعىنىن ۇستادى. قازىر تەرگەۋ جۇرگىزىلىپ جاتىر. بارلىق قاجەتتى ساراپتاما تاعايىندالدى.
«بەيتانىس ادامدارمەن كەزدەسكەندە دوستارىڭىز نەمەسە تۋىستارىڭىز ءسىزدىڭ كىممەن، قايدا جانە قانشا ۋاقىت سوندا بولاتىنىڭىزدى بىلەتىنىنە كوز جەتكىزىڭىز. وزىڭىزگە جانە جاقىندارىڭىزعا ساق بولىڭىز»، - دەدى پوليتسيادان.
