تالاپكەردى گرانتقا ءتۇسىرىپ بەرەمىن دەپ سىياقى العان تۇرعىن ۇستالدى
ايەل ءوز شاعىمىندا وسى جىلدىڭ 28-شىلدەسىندە ۇلىن الماتى قالاسىنىڭ بەلدى ۋنيۆەرسيتەتتەرىنىڭ بىرىنە گرانتقا وقۋعا ءتۇسىرۋ ءۇشىن ءوزىنىڭ تانىسىنا 500 مىڭ تەڭگە بەرگەنىن ايتادى.
وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 190-بابى 1-بولىگى، ياعني، الاياقتىق بويىنشا سوتقا دەيىنگى تەرگەۋ امالدارى جۇرگىزىلەدى. ناتيجەسىندە تاراز قالاسىنىڭ تۇرعىنى انىقتالىپ، 31 جاستاعى ەر ادام كىناسىن تولىق مويىنداعان. تەرگەۋ جالعاسۋدا.
ايتا كەتەيىك، بۇعان دەيىن جامبىل پوليتسەيلەرى Telegram جەلىسى ارقىلى بىرنەشە رەت الاياقتىق جاساعان كۇدىكتىنى ۇستاعانىن حابارلاعان بولاتىنبىز. الەۋمەتتىك جەلى ارقىلى قولما-قول اقشا شەشىپ بەرۋگە ۋادە ەتكەن قىزىلوردا وبلىسىنىڭ 25 جاستاعى تۇرعىنىنان زاڭسىز ارەكەتتەردى جۇزەگە اسىرعان ەكى ۇيالى تەلەفون تاركىلەندى.
ينتەرنەت الاياقتىقتى تۇراقتى تابىس كوزىنە اينالدىرا وتىرىپ، «جاڭاتاس- ساۋدا» Telegram توبى ارقىلى كۇدىكتى ازاماتتارعا پايىزسىز ءبولىپ تولەۋگە 8 پايىزبەن اقشالاي قاراجاتتى قولما- قول اقشاعا اينالدىرۋعا ۋادە بەرگەن.
