الماتىنىڭ مەكتەپتەرى كەشەندى قاۋىپسىزدىك جۇيەسىنە قوسىلادى - فوتو

الماتى. قازاقپارات - الماتىنىڭ مەكتەپتەرى مەن ينتەرناتتارى كەشەندى قاۋىپسىزدىك جۇيەسىمەن قامتاماسىز ەتىلەدى، دەپ حابارلايدى قازاقپارات ءتىلشىسى.

الماتى اكىمدىگىنىڭ مالىمەتىنشە، قالا اكىمى ەربولات دوسايەۆتىڭ تاپسىرماسىنا سايكەس قولجەتىمدىلىكتى باقىلاۋ جۇيەسىمەن جاراقتاندىرۋ بويىنشا 206 مەملەكەتتىك مەكتەپ پەن 8 ينتەرناتتا كەشەندى قاۋىپسىزدىك جۇيەسىن ەنگىزۋ جوسپارلانعان. بۇل تۋرنيكەتتەر، بەينەباقىلاۋ كامەرالارى، دابىل تۇيمەلەرى، ءورت قاۋىپسىزدىگى جۇيەسى جانە ت. ب. جوبانى بيىل جىلى ىسكە اسىرۋ جوسپارلانعان.

«كەشەندى قاۋىپسىزدىك جۇيەسى - ءبىرقاتار ىشكى جۇيەلەرى بار ورتالىقتاندىرىلعان جۇيە، ونىڭ قۇرامىنا بەينەباقىلاۋ جۇيەسى ، كىرۋدى باقىلاۋ جانە باسقارۋ، ەكى جاقتى بايلانىس، قاۋىپسىزدىك جانە ءورت دابىلى كىرەدى.

جۇيەنى قۇرۋدىڭ ماقساتى الماتى قالاسىنىڭ ءبىلىم بەرۋ مەكەمەلەرىندە قوعامدىق قاۋىپسىزدىك دەڭگەيىن، قۇقىقتىق ءتارتىپتى ارتتىرۋ بولىپ تابىلادى. ول بەينەباقىلاۋدى جانە تىركەلگەن قۇقىق بۇزۋشىلىقتار مەن قاۋىپسىزدىك جاي-كۇيى تۋرالى شۇعىل قىزمەتتەردى ۋاقتىلى حاباردار ەتۋدى، مەملەكەتتىك مەكتەپتەردە (م م) قاۋىپسىزدىكتى ۇيىمداستىرۋ جانە قولداۋ جونىندەگى شەشىمدەردى قالىپتاستىرۋ ءۇشىن قولدا بار جەدەل اقپاراتقا تالداۋ جۇرگىزۋدى قامتيدى»، - دەلىنەدى اكىمدىكتىڭ حابارلاماسىندا.

كەشەندى قاۋىپسىزدىك جۇيەسى ءبىلىم بەرۋ نىساندارىنىڭ قاۋىپسىزدىگى مەن مونيتورينگىن قامتاماسىز ەتۋگە ارنالعان:

• ءاربىر م م-دە بەينەدەرەكتەردى كەمىندە 3 تاۋلىك مەرزىمدە ساقتاۋ، بۇل رەتتە بەرىلگەن دەرەكتەر دەرەكتەردى وڭدەۋ ورتالىعىندا (د ءو و) كەمىندە 30 كۇن ساقتالادى؛

• تاپسىرىس بەرۋشى ۇسىناتىن بايلانىس ارنالارى ارقىلى ءاربىر ۇيىمنان بەينەمونيتورينگتىڭ ءبىرىڭعاي جۇيەسى (ب م ب ج) د ءو و - عا بەينەدەرەكتەردى بەرۋ؛

• مەملەكەتتىك ءبىلىم بەرۋ نىساندارىنىڭ عيماراتتارىنا كىرۋدى باقىلاۋدى قامتاماسىز ەتۋ؛

• الماتى قالاسىنىڭ شۇعىل قىزمەتتەرىنىڭ پۋلتىنە سيگنال بەرەتىن شۇعىل بايلانىس تەرمينالىن (دابىل تۇيمەسى) ىسكە قوسۋ.

بەينەباقىلاۋ كامەرالارىنىڭ فۋنكتسيونالدىعى جوعارى ساپادا جانە سۋرەتتەردى ەگجەي- تەگجەيلى تۇسىرۋگە مۇمكىندىك بەرەدى. دەرەكتەر ينتەرنەت جەلىسى ارقىلى سەرۆەرگە، دەربەس كومپيۋتەرگە نەمەسە كەز كەلگەن باسقا دا قۇرىلعىعا بەرىلەدى. 30 مەتر قاشىقتىقتاعى ينفراقىزىل جارىقتاندىرۋدىڭ ارقاسىندا تۇندە ءتۇسىرۋ مۇمكىندىگى بار. بەينەكامەرالاردان الىنعان جازبالاردى 30 كۇن بويى ساقتاۋعا بولادى.

«بۇگىندە وقۋ ورىندارىندا بارلىعى 6739 كامەرا ورناتىلعان، ونىڭ 4193 ى مەكتەپتىڭ ىشىندە، ال 2546 سى سىرتقا قويىلعان. سونىمەن قاتار، مەملەكەتتىك مەكتەپتەردىڭ بارلىعى مامانداندىرىلعان كۇزەت قىزمەتكەرىن شاقىرۋ مۇمكىندىگى بار دابىل تۇيمەسىمەن جابدىقتالعان. قازىرگى ۋاقىتتا الماتىنىڭ 459 مەملەكەتتىك ءبىلىم بەرۋ ۇيىمى 16299 كامەرامەن جابدىقتالعان. ولاردىڭ ىشىندە 193 بالاباقشا 7344 كامەرامەن جابدىقتالعان. ءارى 15 ينتەرناتتىق مەكەمەدە 277 كامەرا جانە 20 كوللەدجدە 1503 كامەرا ورناتىلعان. بارلىعى 459 ءبىلىم بەرۋ ۇيىمىندا 678 دابىل تۇيمەسى ورناتىلدى. ال مامانداندىرىلعان كۇزەتپەن 254 ءبىلىم بەرۋ ۇيىمى قىزمەت كورسەتەدى»، - دەپ حابارلادى الماتى اكىمدىگىنىڭ باسپا ءسوز قىزمەتى.