قازاقستان عالىمدارى قۇرعاقشىلىقتى جوياتىن تەحنولوگيانى سىناقتان وتكىزىپ جاتىر
بۇل ماسەلەگە ءبىزدىڭ وتاندىق عالىمدار دا بەيجاي قارامايدى. ويتكەنى سۋ تاپشىلىعى 2030 -جىلعا قاراي الەمدەگى ەڭ كۇردەلى ماسەلەلەردىڭ ۇشتىگىنە قالىپ قويۋى مۇمكىن، دەپ حابارلايدى قازاقپارات عىلىم جانە جوعارى ءبىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
بۇگىندە م. اۋەزوۆ اتىنداعى و ق ۋ-نىڭ عالىمدارى اتموسفەراعا تەرىس زاريادتى يونداردى جىبەرىپ، اشىق اسپانعا بۋداق بۇلتتاردى جيناۋعا بولاتىن تەحنولوگيانى ۇسىندى. ناتيجەسىندە جاڭبىردى قاجەتتى مولشەردە جاۋعىزىپ، كليماتتى رەتتەۋگە مۇمكىندىك تۋادى.
قازىر سۋ تاپشىلىعى مەن قۇرعاقشىلىقتى جوياتىن يننوۆاتسيالىق تەحنولوگيا سىناقتان ءوتىپ جاتىر. مۇنداي تەحنولوگيالار بۇگىندە يران، پاكىستان سىندى مەملەكەتتەردىڭ شولەيتتى ايماعىندا قولدانىلىپ وتىر.
جوبا اۆتورلارىنىڭ ايتۋىنشا، كليماتتى وزگەرتۋگە ارنالعان تەحنولوگيالىق قوندىرعى الەم ەلدەرىندە سىناقتان ءساتتى وتكەن. يران، پاكىستان سىندى مەملەكەتتەردىڭ شولەيتتى ايماعىندا مۇنداي تەحنولوگيالار قولدانىلىپ وتىر.
م. اۋەزوۆ اتىنداعى و ق ۋ-نىڭ پروفەسسورى، تەحنيكا عىلىمدارىنىڭ دوكتورى، ق ر مەملەكەتتىك سىيلىعىنىڭ لاۋرەاتى ناعيما جاقىپبەكوۆانىڭ ايتۋىنشا، بۇگىنگى كۇنى ارمەنيا جانە گرۋزيا مەملەكەتتەرىنىڭ پروفەسسور- عالىمدارىمەن بىرلەسىپ، سۋ كوزدەرىن سەوليت قوسپاسىمەن قايتا وڭدەۋ تەحنولوگياسىن ەنگىزۋ جوسپارلانىپ وتىر.
