بەينەباقىلاۋ، اۋا باپتاعىش جانە توڭازىتقىش: زاماناۋي ۆاگوندار جولعا شىعادى
«جىل سوڭىنا دەيىن «زيكستو» اق شىعارعان جاڭا جولاۋشىلار ۆاگوندارى جەتكىزىلەدى دەپ كۇتىلۋدە. ۆاگوندار اۋا باپتاۋ قۇرىلعىسى، بەينەباقىلاۋ جانە ءورت ءسوندىرۋ جۇيەسىمەن جابدىقتالعان. سونىمەن قاتار جاڭا ۆاگونداردا توڭازىتقىشتار، ميكروتولقىندى پەشتەر، اۋىزسۋ ديسپەنسەرى جانە ىستىق سۋ تيتانى بار. ودان بولەك، ەلەكتر روزەتكالارى ورناتىلعان»، - دەلىنگەن حابارلامادا.
اقپاراتتا ايتىلعانداي، جاڭا ۆاگوندار ەلىمىزدىڭ باتىس وڭىرلەرىنە قاتىنايدى.
«سونداي-اق، 2025-جىلدان باستاپ Stadler كومپانياسىنىڭ ەكولوگيالىق تازا دارەتحانا كەشەندەرىمەن، ەلەكتر روزەتكالارىمەن، بەينەباقىلاۋ جۇيەسىمەن، USB، سونداي-اق اۋانى باپتاۋ جۇيەسىمەن جابدىقتالعان زاماناۋي ۆاگوندارىن جەتكىزۋ باستالادى. 2030-جىلعا دەيىن 537 ۆاگون ساتىپ الىنباق. سوڭعى 10 جىلدا «جولاۋشىلار تاسىمالى» ا ق پاركى %50 جاڭارتىلدى. قاۋىپسىزدىك، جايلىلىق جانە ەكولوگيالىلىق بويىنشا زاماناۋي حالىقارالىق تالاپتارعا جاۋاپ بەرەتىن 1200 استام ۆاگون ساتىپ الىندى»، - دەيدى اتالعان مەكەمەدەن.
ايتا كەتسەك، «جولاۋشىلار تاسىمالى» ا ق- دان بولەك، تەمىرجول جولاۋشىلارىن تاسىمالدايتىن 13 جەكە كومپانيا بار.
