ب ق و- دا توناۋ ارەكەتى بەينەباقىلاۋعا ءتۇسىپ قالدى

استانا. قازاقپارات - تامىزدىڭ 14-كۇنى تۇنگى 01:11 كەزىندە ورال قالالىق پ ب- نىڭ كەزەكشى بولىمىنە بەلگىسىز بىرەۋلەردىڭ قالاداعى كاسىپورىنداردىڭ ءبىرىنىڭ عيماراتىنا ەنىپ، 59 جاستاعى كۇزەتشىگە كۇش قولدانا وتىرىپ، ىشىندە 30 مىڭ تەڭگە كولەمىندە قارجى سالىنعان تەمىر سەيفتى كوتەرىپ الىپ كەتكەنى جونىندە حابارلاما كەلىپ تۇسەدى.

ودان ءارى قىلمىسقا بارعاندار كاسىپورىن عيماراتىنىڭ اۋلاسىندا تۇرعان Largus اۆتوكولىگىنە وتىرىپ، وقيعا ورنىنان بوي تاسالاعان.

اۆتوكولىك جانە سەيف قالاداعى كوشەلەردىڭ بىرىنەن تابىلدى. سەيف اشىلىپ، ىشىندەگى اقشا قىلمىسكەرلەردىڭ قولىندا كەتتى.

اتالعان قىلمىستى اشۋعا ب ق و پ د جانە ورال قالالىق پب بارلىق قىزمەتتەرى جۇمىلدىرىلدى. كۇدىكتى رەتىندە بەس تۇلعانى انىقتاپ، قولعا ءتۇسىردى.

ۇستالعاندارعا قاتىستى ق ر ق ك- ءنىڭ 191-بابى 2-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە.