كولىك زاڭداستىرۋمەن اينالىسقان قىلمىستىق توپ بارلىق وبلىسپەن بايلانىستا بولعان – ءى ءى م
«العاشقى اقپارات الماتى وبلىسىنان كەلىپ ءتۇستى، كەيىنىرەك الماتى قالاسىنا شىقتىق. سول جەردەن ەلىمىزدىڭ بارلىق وبلىس ورتالىقتارىمەن جەلى قۇرىلعان. قازىرگى ۋاقىتتا وزىندىك قاۋىپسىزدىك دەپارتامەنتى قىلمىستىق ءىس قوزعادى، تەرگەۋ ءجۇرىپ جاتىر. بۇل قىلمىستارعا قاتىسى بار قىزمەتكەرلەر ءوز لاۋازىمدارىنان شەتتەتىلدى. تەرگەۋ ماقساتىندا وزگە اقپاراتتى جاريالاي المايمىن»، - دەدى ق. سۇلتانبايەۆ ورتالىق كوممۋنيكاتسيالار قىزمەتىندە ءتىلشى سۇراعىنا بەرگەن جاۋابىندا.
سونىمەن بىرگە، وسى قىلمىستىق ءىس اياسىندا پوليتسيا قىزمەتكەرلەرى عانا ەمەس، ارنايى ح ق و- دا جۇرەتىن «كومەكشىلەر» دە جاۋاپقا تارتىلۋدا.
«كولىكتى تىركەۋ، جۇرگىزۋشى كۋالىگىن بەرۋ بويىنشا الدىڭعى قاتاردا» ازاماتتارعا ارنالعان ۇكىمەت«ك ە ا ق قىزمەتكەرلەرى جۇمىس ىستەيدى. ءبىزدىڭ قىزمەتكەرلەر حالىقپەن تىكەلەي بايلانىستا بولمايدى. ءبىزدىڭ قىزمەتكەرلەر تەك ەكىنشى ەشەلوندا وتىرادى، كريمينالدى ەسەپ بويىنشا، قانداي دا ءبىر قىلمىسقا بايلانىستى تەكسەرۋ جۇرگىزەدى. ال ءوز قىزمەتىن ۇسىناتىن «كومەكشىلەر» دە انىقتالدى، قىلمىستىق ىستەر قوزعالدى، ولار جاۋاپقا تارتىلىپ جاتىر»، - دەپ تولىقتىردى ق. سۇلتانبايەۆ.
