زاڭداستىرىلماعان اۆتوكولىك جۇرگىزۋشىلەر قانداي جاۋاپقا تارتىلادى
«ءبىز زاڭداستىرۋدىڭ 2023 -جىلدىڭ 1- شىلدەسىنە دەيىن جالعاساتىنىن جاريالادىق. كىم زاڭداستىرۋعا ۇلگەرمەدى، ءوتىنىم بەرىڭىزدەر، 2023 -جىلدىڭ 1-شىلدەسىنە دەيىن كەلىپ تۇسكەن بارلىق وتىنىمدەردى قاراستىرامىز. ازىرگە 15 مىڭعا جۋىق كولىكتى ۋاقىتشا تىركەۋگە الدىق. ءوتىنىم بەرىپ ۇلگەرمەگەندەردى دە قاراستىرامىز جانە ءارى قاراي تىركەيمىز»، - دەدى ق. سۇلتانبايەۆ ورتالىق كوممۋنيكاتسيالار قىزمەتىندە.
سونىمەن بىرگە، سپيكەر 2023 -جىلدان كەيىن اكەلىنگەن جانە ساقتاندىرۋ مەرزىمى بىتكەن، ەش تىركەۋسىز كولىك ءمىنىپ جۇرگەندەردىڭ بۇل كولىكتى باسقارۋعا قۇقىعى جوق ەكەنىن ايتتى.
«اكىمشىلىك كودەكس بويىنشا ولارعا العاشىندا 10 ا ە ك كولەمىندە ايىپپۇل سالىنادى. ءبىز قازىر وسىنداي الدىن الۋ جۇمىستارىن جۇرگىزىپ جاتىرمىز. ەكىنشى رەت - اكىمشىلىك حاتتاما جاسالىپ، كولىك ايىپ تۇراعىنا قويىلادى. قازىرگى ۋاقىتتا ساقتاندىرۋسىز، ساقتاندىرۋ پوليسىنسىز، تەحنيكالىق بايقاۋسىز جۇرگەن 2 مىڭنان استام كولىك يەلەرىن انىقتادىق جانە ولار اكىمشىلىك جاۋاپقا تارتىلدى. قازىر 1,7 مىڭعا جۋىق كولىك ايىپ تۇراعىنا قويىلدى»، - دەدى قايسار سۇلتانبايەۆ.
ايتا كەتەيىك، 2022 -جىلدىڭ 1-قىركۇيەگىنە دەيىن ەلگە زاڭسىز اكەلىنگەن كولىك قۇرالدارىن زاڭداستىرۋ 1-شىلدەگە دەيىن جۇرگىزىلدى. بۇگىنگى تاڭدا بارلىعى 220 مىڭنان استام اۆتوكولىك زاڭداستىرىلدى.
ال 2022 -جىلدىڭ 1-قىركۇيەگىنەن كەيىن اكەلىنگەن كولىكتەر زاڭداستىرۋعا جاتپايدى.
