شەتەلدىك كولىكتەر كەدەندىك تازارتۋدان ءوتۋى كەرەك - مەملەكەتتىك كىرىستەر كوميتەتى

استانا. قازاقپارات - ەۋرازيالىق ەكونوميكالىق وداق قۇرامىنا كىرمەيتىن ءۇشىنشى ەلدەردەن اكەلىنگەن كولىك قۇرالدارى مىندەتتى تۇردە كەدەندىك تازارتۋ راسىمىنەن ءوتۋى ءتيىس.

بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بىرلەسكەن باسپا ءسوز كونفەرەنتسيادا ق ر قارجى مينيسترلىگى مەملەكەتتىك كىرىستەر كوميتەتى باقىلاۋ دەپارتامەنتى ديرەكتورىنىڭ مىندەتىن اتقارۋشى ەرجان ءابدىراحمانوۆ ءمالىم ەتتى، دەپ حابارلايدى قازاقپارات.

مەملەكەت باسشىسى 2022-جىلعى 1- قىركۇيەكتەگى قازاقستان حالقىنا جولداۋىندا زاڭسىز اكەلىنگەن كولىك قۇرالدارىنا قاتىستى ۇسىنىس ايتتى.

مۇنداي كولىك قۇرالدارىن زاڭداستىرۋ ءۇشىن ءبىر رەتتىك تارتىپپەن 200 مىڭ تەڭگەدەن اسپايتىن مولشەردە ءبىرىڭعاي كادەگە جاراتۋ الىمىن جانە باستاپقى تىركەۋدى قولدانۋ ۇسىنىلدى.

بۇل شارا 2022-جىلدىڭ 1- قىركۇيەگىنە دەيىن اكەلىنگەن، كەدەندىك تازارتۋدان وتكەن جانە ىزدەۋدە جوق كولىك قۇرالدارىنا قاتىستى بولۋى ءتيىس.

زاڭداستىرۋ 2023-جىلدىڭ 23- قاڭتارىندا باستالىپ، 2023-جىلدىڭ 1- شىلدەسىندە اياقتالدى.

مەملەكەتتىك كىرىستەر كوميتەتى كولىك قۇرالدارىن جالپى زاڭداستىرۋعا تىكەلەي قاتىستى.

كوميتەت كولىكتەردى زاڭداستىرۋ كەزىندە مەملەكەتتىك كىرىستەر ورگاندارىنىڭ قىزمەتكەرلەرىن ارنايى حالىققا قىزمەت كورسەتۋ ورتالىقتارىنا ورنالاستىردى.

مەملەكەتتىك كىرىستەر ورگاندارى قىزمەتكەرلەرى كەدەندىك تازارتۋدان ءوتۋ تۋرالى مالىمەتتەردى، ونىڭ ىشىندە ەۋرازيالىق ەكونوميكالىق وداققا مۇشە مەملەكەتتەردە كەدەندىك تازارتۋدى تەكسەردى.

ەۋرازيالىق ەكونوميكالىق وداق شەڭبەرىندە كەدەندىك تازارتۋدان وتكەن تاۋارلار مەن كولىك قۇرالدارى بويىنشا مالىمەتتەرمەن ءوزارا الماسۋ جۇرگىزىلەدى، كوميتەت العان مالىمەتتەردى «بىرىكتىرىلگەن دەرەكتەر قويماسى» اقپاراتتىق جۇيەسىنە ورنالاستىردى.

مەملەكەتتىك كىرىستەر ورگاندارى قىزمەتكەرلەرى اقپاراتتىق جۇيەلەرىندە («استانا-1»، «بىرىكتىرىلگەن دەرەكتەر قويماسى» جۇيەلەرىندە) تەكسەرۋ ارقىلى كەدەندىك تازارتۋدان وتكەنىن راستايتىن انىقتامالار بەردى.

كەدەندىك تازارتۋدان ءوتۋ تۋرالى مالىمەتتەر قازاقستان رەسپۋبليكاسى، قىرعىزستان رەسپۋبليكاسى، رەسەي فەدەراتسياسى، بەلارۋس رەسپۋبليكاسى جانە ارمەنيا رەسپۋبليكاسىندا بولعان جاعدايدا، كەدەندىك تازارتۋدان وتكەنى تۋرالى راستاۋ انىقتامالارى بەرىلدى.

مالىمەتتەر بولماعان جاعدايدا ازاماتتار كەدەندىك تازارتۋدان ءوتۋ جانە قاجەتتى كەدەندىك باجدار مەن سالىقتار تولەۋ ءۇشىن جىبەرىلدى.