تيمۋر بەكمامبەتوۆ قازاقستاندا كينونىڭ جاڭا جانرىن دامىتادى
رەجيسسەر قازاقستاندا ءبىزدىڭ سيفرلىق ءومىرىمىز تۋرالى باياندايتىن سكرينلايف جانرىنداعى جاڭا كينو ءتىلىن دامىتۋعا نيەتتى، دەپ حابارلايدى «قازاقپارات» ح ا ا ءتىلشىسى.
«ءبىز مەن ءۇشىن، پرەزيدەنت ءۇشىن ەڭ قىزىقتى تاقىرىپتاردى تالقىلادىق. قازاقستاننىڭ ءار وڭىرىندە كرەاتيۆتى يندۋستريا ورتالىقتارى بولۋى ءۇشىن ونى قالاي دامىتۋعا بولاتىنىن تالقىلادىق. بۇل مەن ءۇشىن قىزىقتى. ءوزىم اتىراۋدان، شاعىن قالادان كەلدىم. ەلدىڭ كەز كەلگەن جەرىندە كومەكتەسۋگە لايىق، ءوز ارماندارىنا جەتۋگە ءتيىس تالانتتى ادامدار بار ەكەنىنە سەنىمدىمىن. مەن جانە مەنىڭ كومپانيام قازاقستاندا سكرينلايف دەپ اتالاتىن ءتىلدى دامىتۋ ءۇشىن كوپ نارسە جاساي الامىز دەپ ۇمىتتەنەمىن. بۇل - ءبىزدىڭ تسيفرلىق ءومىرىمىزدى باياندايتىن جاڭا كينو ءتىلى. بۇل ەكران، ينتەرفەيس الەمىندە ءوزىمىزدى قالاي كورسەتەمىز، قالاي ارماندايمىز، سول تۋرالى»، - دەدى رەجيسسەر ت. بەكمامبەتوۆ.
ءبىز ۋاقىتىمىزدىڭ كوپ بولىگىن كومپيۋتەر مەن تەلەفون ەكرانى الدىندا وتكىزەتىندىكتەن، ومىرىمىزدەگى ەڭ وتكىر جانە ماڭىزدى وقيعالار وسى تسيفرلىق الەمدە بولادى.
«ءبىز پرەزيدەنتپەن بۇل تۋرالى نە ايتۋ كەرەكتىگى تۋرالى ءوزارا تۇسىنىستىك تاپتىق، ويلانۋ - قازىرگى زامانعى ونەردىڭ ماڭىزدى مىندەتتەرىنىڭ ءبىرى. ءبىز ءالى تالاي تاقىرىپقا قاتىستى اڭگىمەلەسۋگە سەبەپ تاباتىنىمىزعا ۇمىتتەنەمىن. مەن ءۇشىن جۇمىس - وتە قىزىقتى ادامدارمەن قارىم- قاتىناس جاساۋعا سىلتاۋ»، - دەپ ءبولىستى رەجيسسەر.
ەسكە سالا كەتسەك، بۇگىن ق ر پرەزيدەنتى قاسىم-جومارت توقايەۆ كينورەجيسسەر تيمۋر بەكمامبەتوۆتى قابىلدادى.
