شەتەلدەن اكەلىنگەن قانداي كولىكتەر زاڭداستىرۋعا جاتپايدى
«تالداۋ جۇمىستارى جۇرگىزىلىپ، 2022-جىلدىڭ 1- قىركۇيەگىنەن كەيىن اكەلىنگەن شامامەن 124 مىڭ اۆتوكولىك انىقتالدى. قازىرگى كەزدە قازاقستاننان تىس ەلدەردەن اكەلىنگەن 95 مىڭ كولىك زاڭ تالابىنا ساي كەدەندىك راسىمدەۋدەن ءوتىپ، ۋتيل الىمى مەن باستاپقى تىركەۋ الىمىن تولەپ، تىركەۋگە قويىلدى. ال كەي ازاماتتار زاڭعا باعىنباي، الىمداردى تولەمەي، وسى اۆتوكولىكتى زاڭداستىرۋ شەڭبەرىندە تىركەپ بەرۋدى تالاپ ەتىپ وتىر»، - دەدى ق. سۇلتانبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ايتا كەتەيىك، 2022-جىلدىڭ 1- قىركۇيەگىنە دەيىن ەلگە زاڭسىز اكەلىنگەن كولىك قۇرالدارىن زاڭداستىرۋ 1- شىلدەگە دەيىن جۇرگىزىلدى. بۇگىنگى تاڭدا بارلىعى 220 مىڭنان استام اۆتوكولىك زاڭداستىرىلدى.
ونىڭ ىشىندە 17 مىڭ اۆتوكونسترۋكتور تىركەلسە، 14 مىڭنان استام اۆتوكولىك ۋاقىتشا تىركەۋگە الىنعان.
