قازاقستاندا قانشا مىڭ اۆتوكولىك زاڭداستىرىلعانى بەلگىلى بولدى
بۇل تۋرالى ق ر ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ ايتىپ بەردى، دەپ حابارلايدى قازاقپارات.
كولىككە قانداي تالاپ قويىلدى
قازاقستاندا 2022-جىلدىڭ 1- قىركۇيەگىنە دەيىن ەلگە زاڭسىز اكەلىنگەن كولىك قۇرالدارىن زاڭداستىرۋ بيىل 23- قاڭتار – 1- شىلدە ارالىعىندا جۇرگىزىلدى.
ال ءوتىنىمدى ۋاقىتىلى بەرگەن جانە بەلگىلەنگەن مەرزىمدە اۆتوموبيلدەردى زاڭداستىرىپ ۇلگەرمەگەن ازاماتتارعا ولاردى زاڭداستىرۋ قۇقىعى 1- شىلدەدەن كەيىن دە بەرىلگەن.
«بۇگىنگى تاڭدا بارلىعى 220 مىڭنان استام اۆتوكولىك زاڭداستىرىلدى. زاڭداستىرۋ كەزىندە مەملەكەت باسشىسىنىڭ جولداۋىندا بەلگىلەنگەن تالاپتاردى ناقتى باسشىلىققا الىپ وتىردىق. ياعني، 2022-جىلعى 1- قىركۇيەككە دەيىن اكەلىنگەن، قىلمىستىق ىزدەۋدە بولماعان جانە كەدەندىك راسىمدەۋدەن وتكەن اۆتوكولىكتەر زاڭداستىرىلدى»، - دەدى ق. سۇلتانبايەۆ ورتالىق كوممۋنيكاتسيالار قىزمەتىندە.
زاڭداستىرۋدا قانداي ماسەلەلەر تۋىندادى
سپيكەردىڭ ايتۋىنشا، زاڭداستىرۋ بارىسىندا بىرنەشە پروبەلمالار انىقتالىپ، مۇمكىندىگىنشە شەشىلىپ وتىردى.
«مىسالى، قوسالقى بولشەكتەر تۇرىندە اكەلىنگەن، ەلدەن تىس جەرلەرگە يەلىكتەن شىعارۋ جانە اكەتۋ قۇقىعىنسىز اۆتوموبيلدەردى قازاقستاندىق ەسەپكە قويۋعا رۇقسات ەتىلدى. مۇنداي 17 مىڭ اۆتوكونسترۋكتور تىركەلگەن.
ەكىنشىدەن، ە ا ە و ەلدەرىندە ەسەپتەن شىعارىلماعان اۆتوموبيلدەر ءۇشىن، ونىڭ ىشىندە شەكتەۋلەرگە بايلانىستى زاڭداستىرۋ ءۇشىن، ءبىراق ولاردى كەرى اكەتۋ نە زاڭداستىرۋ شارتتارىندا باستاپقى تىركەۋدەن ءوتۋ تۋرالى مىندەتتەمەسىمەن، باسقا ەلدە بۇرىنعى تىركەلگەن جەرى بويىنشا ەسەپتەن شىعارىلعان جاعدايدا 5 جىلعا ۋاقىتشا ەسەپكە قويۋ ارقىلى زاڭداستىرۋ ءۇشىن كەيىنگە قالدىرۋ مۇمكىندىگى بەرىلدى. قازىر 14 مىڭنان استام اۆتوكولىك ۋاقىتشا تىركەۋگە الىندى»، - دەپ ءتۇسىندىردى كوميتەت ءتوراعاسى.
سونىمەن قاتار ە ا ە و اۋماعىنان تىس ءۇشىنشى ەلدەردەن، اسىرەسە گرۋزيادان اكەلىنگەن جانە كەدەندىك تازارتۋدان وتپەگەن شامامەن 15 مىڭ اۆتوكولىك بار.
«ولاردىڭ بارلىعى ەسكى جانە ەكولوگيالىق تالاپتارعا سايكەس كەلمەگەندىكتەن، كەدەندە راسىمدەلمەگەندىكتەن ۇكىمەت زاڭداستىرۋ شەڭبەرىندە ولاردىڭ ەكولوگيالىق تالاپتارعا سايكەستىگىن راستاۋدى قاجەت ەتپەيتىن ارنايى ەرەجەلەردى بەكىتتى. ياعني، 2022-جىلدىڭ 1- قىركۇيەگىنە دەيىن اكەلىنگەن، قىلمىستىق ماسەلەلەردەن باسقا اۆتوموبيل پروبلەمالارى تولىق كولەمدە شەشىلدى»، - دەدى قايسار سۇلتانبايەۆ.
سيفرلىق شەشىمدەر جول اپاتى سانىن ازايتتى
كولىكتى زاڭداستىرۋ شەڭبەرىندە ىشكى ىستەر مينيسترلىگى از ۋاقىتتا ازاماتتارعا ىڭعايلى بولۋ ءۇشىن، سىبايلاس جەمقورلىق سىن-قاتەرىن ازايتۋ ءۇشىن اقپاراتتىق جۇيەلەر ازىرلەدى. بۇل سيفرلىق جاڭارتۋلار egov پورتالى مەن ەكىنشى دەڭگەيلى بانكتەردىڭ موبيلدى قوسىمشالارىندا كورسەتىلدى.
«بۇل شەشىمدەر ارنايى ح ق و- دا حالىقتىڭ كوپ جينالماۋىنا مۇمكىندىك بەردى. وسى ورايدا وتكەن جىلى سيفرلىق شەشىمدەردى قولدانۋ ناتيجەسىندە قالالارداعى جول كولىك وقيعالارىن دا، قازا تاپقاندار سانىن دا تومەندەتۋگە قول جەتكىزىپ وتىرمىز. سونىمەن قاتار، جاياۋ جۇرگىنشىلەردىڭ دە قازا تابۋىن 11 پايىزعا دەيىن تومەندەگەنىن اتاپ وتكىم كەلەدى. بيىل اپاتتىلىقتىڭ بارلىق كورسەتكىشتەرى تۇراقتى تومەندەپ كەلەدى. سوڭعى مالىمەت بويىنشا جول اپاتتارى سانى 15 پايىزعا دەيىن، جولدا قازا تاپقان جانە جاراقات العاندار سانى - 14 پايىزعا دەيىن تومەندەپ وتىر. ياعني، وسى جۇمىستار ارقاسىندا ەلىمىزدە 2 مىڭعا جۋىق ازامات امان قالدى»، - دەدى قايسار سۇلتانبايەۆ.
