ەلىمىزدە شەتەلدىك ازاماتتاردى ەمحاناعا تىركەۋ ەرەجەسى وزگەردى

الماتى. قازاقپارات - بيىل ەڭبەك ميگرانتتارى - شەتەلدىكتەردى ەمحاناعا تىركەۋ ەرەجەلەرى وزگەردى.

ەندى ولار ەمحاناعا كەلىسىمشارتپەن نەمەسە ەرىكتى مەديتسينالىق ساقتاندىرۋمەن، سونداي-اق جۇكتەلگەن مەديتسينالىق ساقتاندىرۋ شارتىمەن بارۋى كەرەك. جاڭا ەرەجەلەر وسى جىلدىڭ 14- تامىزىندا كۇشىنە ەندى، دەپ حابارلايدى قازاقپارات مەديتسينالىق ساقتاندىرۋ قورىنىڭ الماتى فيليالىنا سىلتەمە جاساپ.

ەڭبەك زاڭناماسى جانە حالىق دەنساۋلىعى مەن دەنساۋلىق ساقتاۋ جۇيەسى تۋرالى كودەكسكە ەنگىزىلگەن وزگەرىستەرگە بايلانىستى ەمحانالارعا تىركەلۋ ەرەجەلەرى مەن يمميگرانتتارعا مەديتسينالىق كومەك كورسەتۋ ەرەجەلەرى وزگەردى.

بۇيرىقتارعا ەنگىزىلگەن وزگەرىستەر تەك ە ا ە و- عا مۇشە ەلدەردىڭ (ر ف، بەلارۋس، قىرعىزستان، ارمەنيا) ءبىرىنىڭ ازاماتتىعى بار، ق ر- دا ۋاقىتشا تۇراتىن شەتەلدىكتەرگە - ەڭبەك ميگرانتتارىنا جانە ولاردىڭ وتباسى مۇشەلەرىنە (بالالارى مەن جۇبايلارىنا) قاتىستى.

جاڭا قاعيدالارعا سايكەس، بۇل شەتەلدىكتەر ەمحاناعا ەرىكتى مەديتسينالىق شارت (ە م س) نەمەسە العاشقى مەديتسينالىق-سانيتاريالىق جانە شۇعىل ستاتسيونارلىق كومەككە جۇكتەلگەن مەديتسينالىق ساقتاندىرۋ شارتى (ج م س) نەگىزىندە تىركەلەدى. كەيىن شارت جاساسقان مەرزىمى وتكەن جاعدايدا مەديتسينالىق ۇيىمنان اۆتوماتتى تۇردە شىعارىلادى.

ەمحاناعا تىركەلۋ ءۇشىن ونىڭ باسشىسىنىڭ اتىنا قازاق نەمەسە ورىس تىلىندە ەركىن تۇردە ءوتىنىش جازۋ قاجەت. وتىنىشپەن بىرگە جەكە باسىن كۋالاندىراتىن قۇجاتتى (نەمەسە شەتەلدىك پاسپورتتى)، ەمس نەمەسە جمس شارتىن تاپسىرادى. ولاردىڭ زاڭدى وكىلى ءوتىنىش بەرسە، وتباسى مۇشەلەرىنىڭ كەلىسىمى قوسا بەرىلۋى كەرەك. ءوتىنىش بەرۋشى مەديتسينالىق ۇيىمعا ءوزى جۇگىنە الادى نەمەسە ونى ساقتاندىرۋ كومپانياسى جاسايدى.

تىركەلۋگە بولاتىن ەمحانالاردىڭ ءتىزىمى شارتتىڭ قوسىمشاسىندا (ە م س نەمەسە ج م س) كورسەتىلۋى ءتيىس.

ايتا كەتۋ كەرەك، الەۋمەتتىك مەديتسينالىق ساقتاندىرۋ قورىمەن شارتقا وتىرعان العاشقى مەديتسينالىق- سانيتاريالىق كومەك كورسەتەتىن مەديتسينالىق ۇيىمدارعا تىركەلۋگە بولادى. ە ا ە و شارتىندا شەتەلدىكتەردىڭ دەنساۋلىق ساقتاۋ سالاسىنداعى قۇقىعى عانا ەمەس، مىندەتتەرى دە جازىلعان. ولاردىڭ قاتارىنا اۋرۋلاردى ەرتە انىقتاۋ ءۇشىن پروفيلاكتيكالىق سكرينينگتەردەن ۋاقىتىلى ءوتۋ، ايەلدەردى جۇكتىلىك بويىنشا ۋاقىتىلى ەسەپكە قويۋ (12 اپتاعا دەيىن)، سوزىلمالى جانە الەۋمەتتىك ماڭىزى بار اۋرۋلاردى ديناميكالىق بايقاۋ جانە ت. ب. كىرەدى.

سونداي-اق قازاقستاندا ۋاقىتشا تۇراتىن شەتەلدىكتەر اينالاسىنداعىلارعا ءقاۋىپ توندىرەتىن اۋرۋلار كەزىندە كورسەتىلەتىن مەديتسينالىق كومەكتى قوسپاعاندا، رەسپۋبليكادا تۇراقتى تۇراتىندارعا عانا كورسەتىلەتىن تەگىن مەديتسينالىق كومەكتىڭ كەپىلدىك بەرىلگەن كولەمى (ت م ك ك ك) شەڭبەرىندە مەديتسينالىق كومەك الا المايدى.

قازاقستان ازاماتتارى، قانداستار جانە ق ر اۋماعىندا تۇراقتى تۇراتىن شەتەلدىكتەر ءۇشىن ەمحاناعا تىركەلۋ ءتارتىبى وزگەرىسسىز قالادى.