استانادا اۆتوبۋستىڭ جاڭا ەكى باعدارى قاتىناي باستايدى

استانا. قازاقپارات - استانا قالاسىندا 31-تامىزدان باستاپ قوعامدىق كولىكتىڭ جاڭا ەكى باعدارى قاتىناي باستايدى، دەپ حابارلايدى قازاقپارات شاھار اكىمدىگىنىڭ باسپا ءسوز قىزمەتىنە سىلتەمە جاساپ.

№49-باعدار مامانداندىرىلعان حالىققا قىزمەت كورسەتۋ ورتالىعىن باس مەشىتپەن بايلانىستىرادى. اۆتوبۋس «كوكتال-1» - «كوكتال-2» تۇرعىن الاپتارى، «كوكتال» پاركى، «جاعالاۋ» تۇرعىن الابى، ش. ايتماتوۆ، سىعاناق جانە باس مەشىت كوشەلەرى ارقىلى قاتىنايدى.

№57-باعدار «نۇرلى جول» تەمىرجول ۆوكزالى مەن قازىبەك بي كوشەسىن بىرىكتىرەدى. بۇل باعىتتى ىسكە قوسۋ تولە بي كوشەسىندە قىزمەت كورسەتۋگە، سىعاناق، سارايشىق جانە ا. بايتۇرسىنوۆ كوشەلەرىندە كولىك قاتىناسىن جاقسارتۋعا مۇمكىندىك بەرەدى. وسىلايشا، №40-اۆتوبۋستىڭ جۇكتەمەسى تومەندەتىلەدى. سونداي-اق ر. قوشقاربايەۆ داڭعىلىمەن اۆتوبۋستاردى ىسكە قوسۋ مۇمكىندىگى پايدا بولادى.

اۆتوبۋستاردىڭ قوزعالىس سىزباسى قوسىمشا حابارلاناتىنى ايتىلعان.