شىمكەنت جازعى لاگەرلەرىندە بالالار ومىرىنە قاۋىپتى بۇزۋشىلىقتار انىقتالدى

شىمكەنت. قازاقپارات - شىمكەنت قالاسىنىڭ پروكۋراتۋراسى جازعى ساۋىقتىرۋ لاگەرلەرىندە بالالاردىڭ ءومىرى مەن دەنساۋلىعىنا قاۋىپتى بۇزۋشىلىقتاردى انىقتادى، دەپ حابارلايدى قازاقپارات.

اتاپ ايتقاندا، «Hawaii» لاگەرى ورتكە قارسى دابىل جۇيەسىمەن جابدىقتالماعان، مىندەتتى سانيتاريالىق-ەپيدەميولوگيالىق قورىتىندى قۇجاتسىز جۇمىس ىستەگەن. بۇل رەتتە 2023 -جىلى بۇل لاگەردە 478 بالا دەمالعان.

«بالالار سانى 220 دان اسپاۋى ءتيىس «ءۇش بۇلاق» لاگەرىندە 310 وقۋشى ورنالاستىرىلعان. تيىسىنشە ءبىر بالانىڭ ۇيىقتايتىن ورنى 4 شارشى مەتردىڭ ورنىنا 2,8 شارشى مەترگە دەيىن ازايعان.

سونىمەن قاتار لاگەرلەردىڭ كوپتەگەن قىزمەتكەرلەرى ەڭبەك شارتىنسىز جۇمىس ىستەگەن، مەديتسينا قىزمەتتەرىن بىلىكتىلىگى جوق جانە مەدبيكە مامانىنىڭ سەرتيفيكاتى جوق قىزمەتكەرلەر كورسەتكەن.

مەديتسينالىق كابينەتتەردىڭ ءوزى بەلگىلەنگەن تالاپتارعا سايكەس كەلمەيدى، مىندەتتى مەديتسينالىق پرەپاراتتار مەن جابدىقتار جوق.

تەكسەرۋ ءىس-شارالارى جالعاسۋدا، ناتيجەلەرى بويىنشا شارالار قابىلداناتىن بولادى»، - دەلىنگەن

شىمكەنت قالاسىنىڭ پروكۋراتۋراسى ۇسىنعان مالىمەتتە.