قازاقستاندىق اۆياكومپانيالاردىڭ تابىسى جاڭا رەكورد ورناتتى
بۇعان دەيىنگى ماكسيمۋم 73,6 ميلليارد تەڭگەنى قۇراعان بولاتىن جانە ول 2022 -جىلدىڭ تامىز ايىندا ورناتىلدى، دەپ حابارلايدى قازاقپارات DATA HUB Telegram ارناسىنا سىلتەمە جاساپ.
وسى جىلدىڭ 7 ايىندا كومپانيالاردىڭ جيىنتىق تابىسى 418,1 ميلليارد تەڭگەنى قۇرادى، وتكەن جىلدىڭ سايكەس كەزەڭىندە 276,8 ميلليارد تەڭگە بولعان ەدى.
تابىس ءوسىمىنىڭ باستى سەبەبى - جولاۋشىلار اعىنىنىڭ ارتۋى (اۋە كومپانيالارىنا نەگىزگى كىرىستى جۇك ەمەس، ادامدار اكەلەدى).
2023 -جىلعى قاڭتار- شىلدە ايلارىندا اۋە كەمەلەرى تاسىمالداعان جولاۋشىلار سانى 7,3 ميلليون ادامدى قۇرادى، بۇل ءبىر جىل بۇرىنعىدان %26,1 كوپ. سونىمەن قاتار شىلدە ايىندا 1 ميلليون 384,9 مىڭ جولاۋشى اۋە كەمەسىمەن ۇشىپ، رەكورد جاڭارتتى.
ەكىنشى سەبەپ - باعانىڭ ءوسۋى. اۋە كولىگى قىزمەتتەرى 2023 -جىلدىڭ باسىنان 48,4 پايىز قىمباتتادى. اسىرەسە اقپان (21,5+ پايىز) مەن ءساۋىر (17,7+ پايىز) ەرەكشە اسەر ەتتى. ناقتىراق ايتساق، شىلدە ايىندا قىزمەت قۇنى 4 پايىزعا ءوستى.
