تۇرعىن ءۇي يپوتەكاسى: مەملەكەتتىك كومەكتى قالاي الۋعا بولادى

استانا. قازاقپارات - باسپانامەن قامتۋ - ەلىمىزدەگى وزەكتى ماسەلە. تۇرعىن ءۇي الۋدىڭ جەڭىل جولدارىنىڭ ءبىرى - يپوتەكا.

نەلىكتەن يپوتەكالىق باعدارلامالاردى پايدالانۋ كەرەك جانە ەلىمىزدە يپوتەكاعا تۇرعىن ءۇي الۋدا قانداي جەڭىلدىكتەر بار؟ تولىعىراق قازاقپارات ءتىلشىسىنىڭ ماتەريالىنان وقي الاسىزدار.

«نۇرلى جەر» مەملەكەتتىك تۇرعىن ءۇي- كوممۋنالدىق دامۋ باعدارلاماسى

بۇل - جەڭىلدىكتى شارتتارمەن 2025 -جىلعا دەيىن تۇرعىن ءۇي ساتىپ الۋعا ارنالعان باعدارلاما. كرەديتتىك مولشەرلەمە - %5 (س ە س ۆ -%5,2 . جارنانىڭ باستاپقى سوماسى پاتەر نەمەسە ءۇي قۇنىنىڭ %20 ى.

باعدارلاماعا كىرەتىن نىسانداردى وتباسى بانكىنىڭ سايتىنان كورۋگە بولادى. اكىمدىكتە كەزەكتە تۇرعاندار (ولارعا باسىمدىق بەرىلەدى) ، سونداي- اق وتباسى بانكىنىڭ سالىمشىلارى باعدارلاماعا قاتىسا الادى.

ەگەر سىزدە وتباسى بانكىندەگى دەپوزيتتە جەتكىلىكتى جيناق بولسا، وندا تاڭدالعان تۇرعىن ءۇيدى باعدارلاما بويىنشا بىردەن ساتىپ الا الاسىز نەمەسە قارىز الا الاسىز.

اسكەري ءونىم نەمەسە «اسكەري باسپانا»

وتباسى بانكىندەگى ارنايى شوتقا تۇرعىن ءۇي تولەمدەرىن الاتىن اسكەري قىزمەتشىلەر مەن ارنايى مەملەكەتتىك ورگاندار قىزمەتكەرلەرىنە جەڭىلدەتىلگەن نەسيەلەۋ قولجەتىمدى.

تۇرعىن ءۇي قۇرىلىس جيناق جۇيەسىنىڭ قاتىسۋشىسى بولۋ ءۇشىن تۇرعىن ءۇي قۇرىلىس جيناق بانكىندە ارنايى دەپوزيت اشىپ، بەلگىلى ءبىر مەرزىمنەن كەيىن جىلدىق %3,5 دان %5 عا دەيىنگى مولشەرلەمە بويىنشا قارىز الۋ قاجەت.

تولەم الۋشى تۇرعىن ءۇي قۇنىنىڭ 50 پايىزىن جيناعان بويدا ەلدەگى ەڭ تومەنگى پايىزدىق مولشەرلەمەمەن تۇرعىن ءۇي نەسيەسىن راسىمدەي الادى.

تولەمدەردى تۇرعىن ءۇيدى جالعا الۋعا دا، تۇرعىن ءۇي قۇرىلىس جيناق بانكىندەگى جيناققا دا ءبىر مەزگىلدە جىبەرۋگە بولادى.

«جاڭا باسپانا»

تۇرعىن ءۇي تولەمدەرىن الۋشىلار ءۇشىن قولجەتىمدى باسپانا.

تولەم الۋشىلار تۇرعىن ءۇي قۇرىلىس جيناقتارى جۇيەسىنە قاتىسۋ ەسەبىنەن باسپانا ساتىپ الا الادى. تۇرعىن ءۇي قۇرىلىس جيناق جۇيەسىنىڭ قاتىسۋشىسى بولۋ ءۇشىن وتباسى بانكىندە ارنايى دەپوزيت اشىپ، بەلگىلى ءبىر مەرزىمنەن كەيىن جىلدىق %3,5 دان %8 عا دەيىنگى مولشەرلەمە بويىنشا نەسيە الۋ قاجەت.

تۇرعىن ءۇي جاردەماقىسىن الۋشى تۇرعىن ءۇي قۇنىنىڭ 50 پايىزىن جيناعان بويدا ەلدەگى ەڭ تومەنگى پايىزدىق مولشەرلەمەمەن تۇرعىن ءۇي نەسيەسىن راسىمدەي الادى. تۇرعىن ءۇي تولەمدەرىن ءبىر ۋاقىتتا تۇرعىن ءۇيدى جالداۋ ءۇشىن دە، «وتباسى بانكىندە» جيناق اقشا ءۇشىن دە پايدالانۋعا بولادى. تۇرعىن ءۇيدى ەلىمىزدىڭ كەز كەلگەن قالاسىنان ساتىپ الۋعا بولادى.

«باقىتتى وتباسى»

بۇل جوبا كوپبالالى وتباسىلارعا، مۇگەدەك بالا تاربيەلەپ وتىرعان وتباسىلارعا، تولىق ەمەس وتباسىلارعا، 1 جانە 2 توپتاعى مۇگەدەكتەرگە نەمەسە اتا- اناسىنىڭ قامقورلىعىنسىز قالعان جەتىم بالالارعا ارنالعان.

تۇرعىن ءۇيدى اكىمدىك كەزەگىندە تۇرعان ايماقتا عانا ساتىپ الۋعا بولادى. سونداي- اق ءسىز نەگىزگى تابىس بولعان جاعدايدا عانا نەسيە الا الاسىز. نەگىزگى تابىس ەڭبەك نەمەسە كاسىپكەرلىك قىزمەتتەن ءتۇسۋى ءتيىس. باعدارلاما ازاماتتاردىڭ از قامتىلعان ساناتتارىنا ارنالعان، سوندىقتان ونىڭ ەڭ تومەنگى مولشەرلەمەسى -%2.

«ءوز ءۇيىڭىز»

وتباسى بانكىنىڭ سالىمشىلارى ءۇشىن قارىز الۋدا ءتيىمدى شارتتارى بار باعدارلاما.

ەڭ تومەنگى باستاپقى جارنا - تۇرعىن ءۇي قۇنىنىڭ %20 ى. نەسيە بويىنشا ەڭ تومەنگى مولشەرلەمە - %3,5، ال ەڭ جوعارى مولشەرلەمە - %8,5، كەيىننەن %3,5-5- عا دەيىن دەيىن تومەندەيدى. بەرىلەتىن قارىز سوماسى - 100000000 تەڭگەگە دەيىن.

اتالعان باعدارلاما بويىنشا تۇرعىن ءۇي قۇنى نارىق باعاسىنان تومەن. سونداي- اق قولدا بار جانە ساتىپ الىناتىن تۇرعىن ءۇي سانىنا شەكتەۋلەر جوق. سونىمەن قاتار باسپانانى سالىنىپ جاتقاندا ۇلەستىك قاتىسۋ ارقىلى ساتىپ الۋعا بولادى.

«شاڭىراق» باعدارلاماسى

باعدارلاما اكىمدىكتە كەزەكتە تۇرعاندارعا تۇرعىن ءۇي ساتىپ الۋعا كرەديت بەرۋدى كوزدەيدى. وتباسىنىڭ ءاربىر مۇشەگە شاققانداعى جيىنتىق تابىسى 133267 تەڭگەدەن (وتكەن جىلدىڭ 3,7 كۇنكورىس مينيمۋمى) اسپاۋعا ءتيىس.

باستاپقى جارنا - تۇرعىن ءۇي قۇنىنىڭ %10 ى. قارىز بويىنشا پايىزدىق مولشەرلەمە -%5. نەسيەنىڭ ەڭ ۇزاق مەرزىمى - 20 جىل.

ايتا كەتۋ كەرەك، تۇرعىن ءۇيدى كەزەكتە تۇرعان ايماقتا عانا ساتىپ الۋعا بولادى.

«جاس وتباسى»

ەگەر ءسىز جاقىندا نەكەگە تۇرساڭىز، ءبىر جىلدىق جيناق ارقىلى %6 بەن ارالىق نەسيە الا الاسىز.

جىلدىق مولشەرلەمە - %6. نەسيەلەۋ مەرزىمى - 6 جىلدان 9 جىلعا دەيىن. سوما - 100000000 تەڭگەگە دەيىن. كەپىلگە ساتىپ الىناتىن مۇلىك قويىلادى.

«جاس وتباسى» زايمىن الۋ ءۇشىن ەرلى- زايىپتىلاردىڭ بىرەۋىنە نەمەسە ەكەۋىنە الدىمەن وتباسى بانكىندە جاڭا دەپوزيت اشىپ، كەمىندە 1 جىل اقشا جيناۋى قاجەت. سونىمەن قاتار جيناق كەزەڭىندە كەمىندە 5 بالعا جەتكىزۋ تالاپ ەتىلەدى.

كرەديتتىك ءوتىنىم بەرۋ كەزىندە تۇرعىن ءۇي ساتىپ الۋ سوماسىنىڭ %50 ىن جيناقتاۋ نەمەسە دەپوزيتكە سالۋ قاجەت. دەپوزيت اشىلعان كەزدە ءسىزدىڭ نەكە قيعانىڭىزعا 5 جىلدان اسپاۋى كەرەك (نەكە تۋرالى كۋالىككە سايكەس). ەرلى- زايىپتىلاردىڭ جاسى بويىنشا ەشقانداي شەكتەۋ جوق.

بالالارعا ارنالعان «ارناۋ» دەپوزيتى

سىياقىنىڭ جىلدىق مولشەرلەمەسى -%2 (مەملەكەت سىيلىقاقىسىن ەسكەرە وتىرىپ، ج ە س %6 دەيىن). ءتيىمدى سىياقىنىڭ جىلدىق مولشەرلەمەسى - %6 عا دەيىن (مەملەكەت سىيلىقاقىسىن ەسكەرە وتىرىپ) . مەملەكەت اتىنان جىل سايىنعى سىياقى -%20 (ءبىر جىلداعى جيناق سوماسىنا 200 ا ە ك دەيىن) .

«ارناۋ» دەپوزيتىندە كەم دەگەندە 10 جىل ىشىندە شارتتىق سومانىڭ %50 جيناقتاپ، باعالاۋ كورسەتكىشىنە 48 بالعا جەتۋ قاجەت. سودان كەيىن دەپوزيت يەسى جىلدىق %2 مولشەرلەمە بويىنشا تۇرعىن ءۇي ساتىپ الۋعا تۇرعىن ءۇي قارىزىن راسىمدەي الادى.

نەسيە دەپوزيتتىڭ كامەلەتكە تولعان يەسىنە عانا بەرىلەدى، ياعني بالا 18 جاستان اسقان بولۋى كەرەك.

«ۇماي» ايەلدەر يپوتەكاسى

«ۇماي» ايەلدەرگە ارنالعان تۇرعىن ءۇي باعدارلاماسى 2021 -جىلى باستالدى جانە ءبىرىنشى ترانش اياسىندا 8,4 ميلليارد تەڭگە كولەمىندە 954 قازاقستاندىق ايەل قارىز الا الدى. 2022 -جىلى 14 ميلليارد تەڭگە ءبولىندى. وعان 1119 باعدارلاما قاتىسۋشىسى تۇرعىن ءۇي ساتىپ الدى.

«ۇماي» باعدارلاماسى بويىنشا ساتىپ الىناتىن تۇرعىن ءۇيدىڭ ەڭ جوعارى قۇنى - 30 ميلليون تەڭگە. بيىل پايىزدىق مولشەرلەمە %14,4 ودان ءارى %3,5 دەيىن تومەندەيدى.

«ۇماي» يپوتەكاسى بويىنشا قارىز مەرزىمى 6 ايدان 25 جىلعا دەيىن. تۇرعىن ءۇي تاڭداۋدا ەشقانداي شەكتەۋ جوق. ايەلدەرگە ارنالعان قارىز باستاپقى جانە قايتالاما تۇرعىن ۇيلەردى، ونىڭ ىشىندە ۇلەستىك قاتىسۋ شارتى بويىنشا دا ساتىپ الۋ ءۇشىن بەرىلەدى. سونداي- اق اتالعان تۇرعىن ءۇي باعدارلاماسى ارقىلى باسپانا جوندەۋگە 3,7 ميلليون تەڭگەگە دەيىن قارىز الۋعا بولادى.

ايەلدەرگە ارنالعان تۇرعىن ءۇي باعدارلاماسى تۋرالى تولىعىراق اقپاراتتى وتباسى بانكى سايتىنان الۋعا بولادى.