قاراعاندىنى سۋ باسىپ، مەكتەپ-ينتەرناتتىڭ شاتىرى كوككە ۇشتى
تابيعاتتىڭ توسىن مىنەزىنەن بولعان زارداپتى جويۋ قالاي جۇرگىزىلىپ جاتقانىن قاراعاندى قالاسىنىڭ اكىمى مەيرام قوجىقوۆ ايتتى.
«نوسەر جاۋىنعا بايلانىستى بىرنەشە كوشەنى سۋ باسقانى بايقالىپ وتىر، بىرنەشە اعاش قۇلادى، شاتىرلاردىڭ بۇزىلۋ جاعدايلارى بار. كوممۋنالدىق قىزمەتتەر مەن ارنايى تەحنيكالار شۇعىل رەجيمدە جۇمىس ىستەپ جاتىر. بارلىق ماسەلەنى باقىلاۋدا ۇستاپ وتىرمىن»، - دەپ جازدى شاھار باسشىسى الەۋمەتتىك جەلىدەگى پاراقشاسىندا.
ايتۋىنشا، بۇگىن كەشكە قالادا جاڭبىردىڭ ايلىق مولشەرى تۇسكەن.
«مۇنداي كولەمدى ءبىر مەزەتتە قابىلداۋعا جاۋىن-شاشىن سۋى كاناليزاتسياسىنىڭ شاماسى جەتپەدى. ءدال قازىرگى ۋاقىتتا جاعداي تۇراقتاندى، سۋ كەتتى. بىرنەشە اۋلانى سۋ باسقان جاعدايلار بار، ءقازىر سۋدى سورۋ جۇرگىزىلىپ جاتىر.
ەلەكتر ەنەرگياسىمەن جامبدىقتاۋ جۇيەسىنە دە زاقىم كەلدى. «قاراعاندى جارىق» وقيعا ورنىندا، سالدارىن جويىپ جاتىر»، - دەدى قالا اكىمى.
م. قوجىقوۆ سونداي-اق جەلدەن شاتىرى قيراعان مايقۇدىقتاعى مەكتەپ- ينتەرنات عيماراتىنا قاتىستى دا ايتتى.
«كولىك جولى تازارتىلدى. شاتىردى بولشەكتەۋ جۇرگىزىلىپ جاتىر. ونى قالپىنا كەلتىرۋ مۇمكىندىگىنە قاتىستى اقپاراتتى تاياۋ ۋاقىتتا جەكە ۇسىناتىن بولامىز»، - دەدى ول.
Посмотреть эту публикацию в Instagram
