08:38, 11 - تامىز 2023 | GMT +5
قازاقستان حالقىنىڭ سانى قانشاعا جەتتى
استانا. قازاقپارات - بيىلعى 1-شىلدەدەگى جاعداي بويىنشا، قازاقستان حالقىنىڭ سانى 19899377 ادامعا جەتتى، دەپ حابارلايدى قازاقپارات.

ۇلتتىق ستاتيستيكا بيۋروسىنىڭ مالىمەتىنە سۇيەنسەك، 19899377 ادامنىڭ 12317671 سى - قالادا، 7581706 سى اۋىلدا تۇرادى.
حالىقتىڭ جالپى سانىنىڭ %48,8 ەرلەر، %51,2 ايەلدەر قۇرايدى.
ءبىرىنشى جارتىجىلدىقتا قازاقستاندا 189,5 مىڭ بالا دۇنيەگە كەلسە، ونىڭ 98 مىڭى - ۇل، 91,5 مىڭى - قىز.
تۋۋ كورسەتكىشى جوعارى وڭىرلەر: ماڭعىستاۋ مەن تۇركىستان وبلىستارى جانە شىمكەنت قالاسى.
ءبىرىنشى جارتىجىلدىقتا ەلىمىزدە 63,6 مىڭ ادام قايتىس بولعان. جارتى جىلداعى حالىقتىڭ تابيعي ءوسىمى 125,9 مىڭ ادامدى قۇرادى.
ءولىم-ءجىتىمنىڭ ەڭ جوعارى كورسەتكىشى شىعىس قازاقستان، سولتۇستىك قازاقستان جانە قوستاناي وبلىستارىندا تىركەلدى. اتالىپ وتكەندەي، بۇل جاعداي وسى وڭىرلەردە قاريالاردىڭ كوپ بولۋىمەن بايلانىستى.