كوروناۆيرۋستىڭ جاڭا شتامى تاراۋدا: قازاقستاندا شەكتەۋ ەنگىزىلە مە

استانا. قازاقپارات - دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتاريالىق دارىگەر ايجان ەسماعامبەتوۆا «كوروناۆيرۋستىڭ جاڭا شتامىنا قاتىستى كارانتين شارالارى ەنگىزىلۋى مۇمكىن بە؟» دەگەن سۇراققا جاۋاپ بەردى، دەپ حابارلايدى قازاقپارات ءتىلشىسى.
None

«ناۋرىز ايىنىڭ سوڭىندا وميكروننىڭ جاڭا شتامى Eris تىركەلدى، قازىر ول بۇكىل الەمگە تاراپ جاتىر. دۇنيەجۇزىلىك دەنساۋلىق ساقتاۋ ۇيىمى دەرەكتەرىنە قاراعاندا، وميكروننىڭ بۇل ءتۇرى 45 ەلدە بار. كەيىنگى 5 اپتادا وسى شتام وتە تەز تارادى. ەگەر 5 اپتا بۇرىن ونىڭ وميكرونداعى جالپى ۇلەسى %5 بولسا، قازىر ول 12 پايىزعا جەتتى»، - دەدى ا. ەسماعامبەتوۆا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سپيكەردىڭ ايتۋىنشا، Eris- ءتىڭ وميكروننىڭ باسقا شتامدارىنان ايتارلىقتاي ەرەكشەلىگى بايقالماعان. ياعني بۇل شتامم جۇقپالى بولعانىمەن، ونى ناۋقاستار جەڭىل ەڭسەرىپ جاتىر جانە اۋرۋحاناعا جاتقىزۋدى قاجەت ەتپەيدى. كوروناۆيرۋستىڭ بارلىق تۇرلەرى سياقتى ول ەگدە جاستاعى ادامدار مەن سوزىلمالى اۋرۋلارى بارلاردىڭ ءومىرى مەن دەنساۋلىعىنا قاۋىپ ءتوندىرۋى ىقتيمال.

تىلشىلەر ۆيتسە-مينيستردەن: «جاڭا شتامنىڭ تارالۋىنان كارانتيندىك شەكتەۋلەر ەنگىزىلۋى مۇمكىن بە؟»، - دەگەن سۇراق قويدى.

«قازىر بۇل تۋرالى ايتۋ ءالى ەرتە. ازىرگە، قولدا بار دەرەكتەرگە سۇيەنسەك، وميكروننىڭ بۇل ءتۇرى اسا اۋىر بولادى دەگەن اقپارات جوق. بۇل شتام كوپ جاعدايدا جەڭىل ءوتىپ جاتىر. قاۋىپ ءالى دە جۇكتى ايەلدەرگە، سوزىلمالى اۋرۋلارى بارلارعا جانە قارت ادامدارعا عانا ءتونىپ تۇر. جالپى، كارانتين نەمەسە شەكتەۋ شارالارىن ەنگىزۋ قاراستىرىلماعان»، - دەپ قوستى ايجان ەسماعامبەتوۆا.

ايتا كەتەيىك، جاقىندا ءۇندىستاندا كوروناۆيرۋستىڭ جاڭا ءتۇرى - Eris انىقتالعانىن جازعان بولاتىنبىز.


سوڭعى جاڭالىقتار