ەكىباستۇز ج ە و جاعدايى، ءوڭىر تىرشىلىگى، كرەاتيۆتى جاستارمەن كەزدەسۋ: پرەزيدەنتتىڭ پاۆلودار وبلىسىنا ساپارى

سونداي-اق ءبىرقاتار وندىرىستىك، الەۋمەتتىك نىساندى ارالاپ كوردى، دەپ حابارلايدى قازاقپارات ءتىلشىسى.
پرەزيدەنتتىڭ وڭىرگە ساپارى ەكىباستۇز جىلۋ ەلەكتر ورتالىعىنداعى جوندەۋ جۇمىستارىمەن تانىسۋدان باستالدى. پرەمەر- ءمينيستردىڭ ءبىرىنشى ورىنباسارى رومان سكليار ەكىباستۇز قالاسىنداعى جىلۋمەن قامتۋ جۇيەسىن جاڭعىرتۋعا ۇكىمەت تاراپىنان كورسەتىلگەن قولداۋ ءىس-شارالارى تۋرالى باياندادى.
«بۇل جۇمىس باقىلاۋىمىزدا بولادى. بۇل - وتە ماڭىزدى جۇمىس. ولقىلىقتار بولسا، ءتيىستى شەشىمدەر قابىلدايمىز. بىلتىر قىستا بولعان جاعداي قايتالانباۋى كەرەك. ازاماتتارىمىز شىدامدىلىق، سابىرلىق تانىتىپ وتىر. ءبىراق ونىڭ دا شەگى بار. سوندىقتان اكىمدەرگە وسىنداي تاپسىرما بەرىلدى. ءتيىستى قاراجات ءبولىنىپ جاتىر. جوسپارلاردىڭ ءبارىن مىندەتتى تۇردە ىسكە اسىرۋ كەرەك»، - دەپ ەسكەرتتى قاسىم-جومارت توقايەۆ.
پاۆلودار وبلىسىنىڭ اكىمى اسايىن بايحانوۆتىڭ ايتۋىنشا، بۇگىندە ماگيسترالدىق جانە ورامىشىلىك جەلىلەرگە جۇرگىزىلگەن گيدراۆليكالىق سىناقتار ناتيجەسىندە انىقتالعان 304 اقاۋ جويىلىپ، 62 شاقىرىم قۇبىر مەن 95 دانا بەكىتۋ ارماتۋراسىنىڭ 76 سى اۋىستىرىلدى. سونداي-اق، ۇكىمەت رەزەرۆىنەن بولىنگەن قاراجات ەسەبىنەن 5,4 شاقىرىم جىلۋ ماگيسترالى جاڭارتىلىپ جاتىر. جالپى، ەكىباستۇزداعى اپاتتى جاعدايلاردىڭ الدىن الۋ ءۇشىن ەكى جوبانى ىسكە اسىرۋ اسا قاجەت. ءبىرىنشى جوبا - ەكىباستۇز ج ە و-نا تەحنيكالىق سۋدىڭ ۇزدىكسىز بەرىلۋىن قامتاماسىز ەتەتىن ماگيسترالدىق قۇبىر قۇرىلىسى. ەكىنشىسى - جاڭا جىلۋ ماگيسترالىنىڭ قۇرىلىسى. بۇل قالانىڭ ءتورت شاعىن اۋدانىنداعى جىلۋ جۇيەسىنىڭ تەڭگەرىمدىلىگىن قامتاماسىز ەتىپ، 9 مىڭنان استام قالا تۇرعىنىن جىلۋمەن قامتاماسىز ەتۋ پارامەترلەرىن ايتارلىقتاي جاقسارتادى.
ەكىباستۇزدىڭ جىلۋ ەلەكتر ورتالىعىنان شىققاننان كەيىن مەملەكەت باسشىسى قالا تۇرعىندارىمەن اڭگىمەلەسىپ، ولارعا قيىن- قىستاۋ جاعدايدا شىدامدىلىق تانىتقانى جانە اپات سالدارىن جويۋ كەزىندە ازاماتتىق بەلسەندىلىك كورسەتكەنى ءۇشىن ريزاشىلىعىن ءبىلدىردى.
«ەكىباستۇزعا احۋالدى كورۋ ءۇشىن ارنايى كەلىپ وتىرمىن. وتكەن قىس وڭاي بولعان جوق. ءبارىن كوردىم، تۇسىنەمىن. دەگەنمەن ءبارىمىز ءبىر ۇلت، ءبىر ەل رەتىندە اۋىزبىرشىلىك تانىتۋىمىز كەرەك. قالا تۇرعىندارى وسى قيىن جاعدايدا سابىرلىق تانىتىپ، شىدادى. ازاماتتىق پوزيتسياسىن، كوزقاراسىن ءبىلدىردى. سوندىقتان بارشاڭىزعا ريزاشىلىعىمدى بىلدىرەمىن. ۇكىمەتكە ءتيىستى تاپسىرمالار بەرىلدى. ءتيىستى قاراجات ءبولىندى. سوندىقتان ءبارى ويداعىداي بولادى دەپ ويلايمىن»، - دەدى پرەزيدەنت.
قاسىم-جومارت توقايەۆ بىلتىرعى توتەنشە جاعداي قايتالانباۋى ءۇشىن ۇكىمەت تاراپىنان بارلىق قاجەتتى شارالار قابىلدانىپ جاتقانىن مالىمدەدى.
سونىمەن قاتار تۇرعىندار مەملەكەت تاراپىنان كورسەتىلىپ جاتقان قولداۋ ءۇشىن العىس ايتىپ، پرەزيدەنتتەن قالانى اباتتاندىرۋ جانە الەۋمەتتىك نىساندار سالۋ ماسەلەسىن كوتەردى. اتاپ ايتقاندا، كوپبالالى انا ايانا سماعۇلوۆا قالادا بالالاردىڭ بوس ۋاقىتىن ءتيىمدى وتكىزىپ، ولاردىڭ جان-جاقتى دامۋىنا ارنالعان شىعارماشىلىق ءۇيىن سالىپ بەرۋدى سۇرادى.
مەملەكەت باسشىسى تۇرعىنداردىڭ وتىنىشتەرىن نازارعا الىپ، ءتيىستى تاپسىرما بەرەتىنىن جەتكىزدى.
«دۇرىس ايتاسىز. نازارعا الامىز. قىسقا ۋاقىت ىشىندە شىعارماشىلىق سارايىن سالامىز. جالپى، بىزگە ەل كولەمىندە وسكەلەڭ ۇرپاققا قىزمەت ەتەتىن نىسانداردى كوبىرەك سالۋ كەرەك. سپورتپەن اينالىسۋ كەرەك ەكەنىن ايتىپ ءجۇرمىن عوي. بالالالاردى سپورتقا باۋلۋ كەرەك. ءبىراق ول ءۇشىن لايىقتى سپورت الاڭدارى، ستاديوندار قاجەت. ءتىپتى، ونداي سپورت نىساندارى ەلوردادا دا جەتىسپەيدى. سوندىقتان اكىمدەر بۇل ماسەلەمەن مىندەتتى تۇردە اينالىسۋى كەرەك»، - دەدى قاسىم-جومارت توقايەۆ.
ال ەكىباستۇز قالالىق ارداگەرلەر كەڭەسىنىڭ ءتوراعاسى سامات رامازانوۆ پرەزيدەنتتەن جىلۋ جۇيەسىندەگى جوندەۋ جۇمىستارىن جەكە باقىلاۋىنا الۋدى جانە قالالىق «شاحتەر» ساياباعىن جوندەۋدى سۇرادى.
قاسىم-جومارت توقايەۆ قالانى اباتتاندىرۋ ماسەلەسى شەشىلەتىنىن ايتتى.
«ورىندى ساۋال. جالپى، ەكىباستۇز - وتە كەرەمەت قالا. مەن ءوزىم بۇل قالانى جاقسى كورەمىن. بۇل قالانى اباتتاندىرۋدى قامتاماسىز ەتۋ كەرەك. مىندەتتى تۇردە. سوندىقتان مۇنداي تاپسىرمانى اكىمشىلىككە بەرىپ جاتىرمىن. بۇل جۇمىس ورىندالادى. بۇل ماسەلە بويىنشا ەشقانداي كۇمان جوق. تەك قانا ساياباق ەمەس، باسقا ماسەلەلەر دە بار. بۇل تۇيتكىلدەردىڭ ءبارىن مىندەتتى تۇردە شەشۋ كەرەك. اكىم جاڭادان تاعايىندالدى. سوندىقتان جۇمىس وتە كوپ»، - دەدى مەملەكەت باسشىسى.
مەملەكەت باسشىسى ەكىباستۇزداعى جاعدايمەن تانىسقان سوڭ پاۆلودار ءوڭىرىنىڭ الەۋمەتتىك- ەكونوميكالىق دامۋى جانە ينۆەستيتسيالىق تارتىمدىلىعى جونىندە مالىمەتتى تىڭدادى. وبلىس اكىمى اسايىن بايحانوۆتىڭ بايانداۋىنشا، ءبىرىنشى جارتىجىلدىقتا وڭىرگە 344 ميلليارد تەڭگە ينۆەستيتسيا تارتىلعان. بۇل بىلتىرعى كەزەڭمەن سالىستىرعاندا 30 پايىزعا ارتىق.
ءوڭىر باسشىسى ەكىباستۇزدا قۇنى 35 ميلليارد تەڭگە بولاتىن تەحنيكالىق كرەمنيي ءوندىرۋ زاۋىتى سالىناتىنىن ايتتى. سونداي-اق وبلىستا EkibastuzFerroAlloys كومپانياسىنىڭ زاۋىتى ىسكە قوسىلماق. جوباعا 92 ميلليارد تەڭگە ينۆەستيتسيا قۇيۋ كوزدەلىپ وتىر. سونداي-اق جوبا اياسىندا 1500-دەن استام تۇراقتى جۇمىس ورنى اشىلادى. ال تەمىرجول ماشيناسىن جاساۋ سالاسىندا RailCastSۋstems كومپانياسى ينۆەستيتسيا كولەمى 78 ميلليارد تەڭگەنى قۇرايتىن ۇستالىق- بانداج ونىمدەرىن شىعارۋ كەشەنىن ىسكە قوسۋدى جوسپارلاۋدا.
مەملەكەت باسشىسىنا Poly Metal International plc حالىقارالىق كومپانياسى قولعا العان ءىرى جوبانىڭ جۇزەگە اسىرىلۋ بارىسى جونىندە مالىمەت بەرىلدى.
جوبا اياسىندا قۇرامىندا التىنى بار 300 مىڭ توننا كونتسەنتراتتى قايتا وڭدەپ، ودان 15 توننا التىن الۋ جوسپارلانعان. وندىرىسكە قۇيىلاتىن ينۆەستيتسيا كولەمى - 347 ميلليارد تەڭگە.
بۇدان بولەك، پرەزيدەنتكە وڭىردەگى ەلەكتروەنەرگەتيكالىق كاسىپورىنداردىڭ تەحنيكالىق جاعدايى تۋرالى باياندالدى. وبلىس اكىمى گرەس-1 جانە گرەس-2 ەنەرگوبلوكتارىن، سونداي-اق اقسۋ قالاسىنداعى №7 ەلەكتروستانتسيانى جاڭعىرتۋ جۇمىستارى 2024 -جىلى اياقتالاتىنىن ايتتى.
كەزدەسۋ سوڭىندا قاسىم-جومارت توقايەۆ الەۋمەتتىك- ەكونوميكالىق دامۋ جوسپارىنىڭ ورىندالۋىن قامتاماسىز ەتۋدى جانە الەۋەتتى ينۆەستورلار تارتۋ بويىنشا جۇمىستاردى جالعاستىرۋدى تاپسىردى.
پرەزيدەنت پاۆلودار وبلىسى كاسىپورىندارىنىڭ ونىمدەرىمەن دە تانىستى. كورمەگە تاماق جانە قايتا وڭدەۋ، اۋىل شارۋاشىلىعى سونداي-اق مەتاللۋرگيا، ماشينا جاساۋ، قۇرىلىس يندۋسترياسى، مۇناي حيمياسى جانە فارماتسيەۆتيكا سالالارىنداعى كاسىپورىندار قاتىستى. سونىمەن قاتار قاسىم-جومارت توقايەۆ ايماقتاعى كاسىپورىنداردىڭ ونىمدەر كورمەسىن ارالاپ كورىپ، جەرگىلىكتى كاسىپكەرلەرمەن اڭگىمەلەستى. بيزنەس-قوعامداستىق وكىلدەرىمەن اڭگىمەلەسۋ بارىسىندا پرەزيدەنت شاعىن جانە ورتا كاسىپكەرلىكتى دامىتۋدا سونى سەرپىلىس جاساپ، قاجەتتى ىنتالاندىرۋلار مەن پرەفەرەنتسيالاردى پىسىقتاۋ قاجەت ەكەنىن ايتتى.
ودان ءارى مەملەكەت باسشىسى قۇرىلىس ماتەريالدارىن شىعارۋمەن جانە ءتۇرلى ماقساتتا قولدانىلاتىن نىساندار سالۋمەن اينالىساتىن «ZENITH» زاۋىتىنا باردى.
مۇندا بەتون، ىرگەتاس بلوكتارى، كىرپىش سەكىلدى قۇرىلىس ماتەريالدارى وندىرىلەدى. تاياۋدا زاۋىتتا تومەن قىسىمدى پوليەتيلەننەن ديامەترى ۇلكەن قۇبىرلار شىعاراتىن وندىرىستىك جەلى ىسكە قوسىلدى. ءونىم شارۋاشىلىق- اۋىزسۋ جانە تەحنيكالىق سۋمەن جابدىقتاۋ قۇبىرلارىن سالۋدا كەڭىنەن قولدانىلادى.
پرەزيدەنت اي سايىن كوز اۋرۋىنا شالدىققان 1 مىڭعا جۋىق ناۋقاستى قابىلداپ، 200 گە تارتا وتا جاسايتىن وفتالمولوگيا كلينيكاسىنا دا ات باسىن بۇردى. وندا دياگنوستيكالىق- ەمحانا كەشەنىن، ستاتسيونار ءبولىمىن، سونداي-اق لازەر ورتالىعى مەن وپەراتسيالىق بلوكتى ارالاپ كوردى.
مەملەكەت باسشىسى پاۆلودار اقپاراتتىق تەحنولوگيالار كوللەدجىنىڭ نەگىزىندە قۇرىلعان ايماقتىق IT- Hub قىزمەتىمەن دە تانىس بولدى.
مۇندا اقپاراتتىق قاۋىپسىزدىك جانە ماشينا جاساۋ سالاسىنىڭ بولاشاق ماماندارى ءىت- نارىقتاعى زاماناۋي ماشىقتاردى مەڭگەرىپ، بيزنەس سەرىكتەستەر تابادى. قالا وقۋشىلارىنا مەكتەپ جاسىنان كاسىپتىك باعدار بەرۋ ءۇشىن IT Hub بازاسىندا «روبوتوتەحنيكا»، «گرافيكالىق ديزاين»، «3D- پروتوتيپتەۋ» باعىتتارى بويىنشا كۋرستار ۇيىمداستىرىلعان. سونداي-اق ەرەسەكتەرگە ارنالعان كومپيۋتەرلىك ساۋات اشۋ كۋرسى بار.
وسى جەردە پرەزيدەنت پاۆلودار وبلىسىنىڭ كرەاتيۆتى جاستارىمەن كەزدەستى. جاستاردىڭ جەتىستىكتەرىنە جوعارى باعا بەرىپ، ەلىمىزدىڭ كەلەشەگى جوعارى تەحنولوگيالاردىڭ دامۋ دەڭگەيىنە بايلانىستى ەكەنىن اتاپ ءوتتى.
«ءبىر عانا پاۆلودار وبلىسىندا وسىنشاما تالانتتى جاستار بار. سوندىقتان سىزدەر ەلىمىزدىڭ ەكونوميكاسىن دامىتۋعا ەلەۋلى ۇلەس قوساتىندارىڭىزعا ەشقانداي كۇمانىم جوق. مەن جاستارعا ءاردايىم كوڭىل بولەمىن. ءبىزدىڭ جاستارىمىز، ەڭ الدىمەن، ۇقىپتى، ەڭبەكقور، ويى ۇشقىر، كرەاتيۆتى، ىسكەر بولۋى كەرەك. مەن جاستارعا ۇلكەن ءۇمىت ارتامىن»، - دەدى قاسىم-جومارت توقايەۆ.
كەزدەسۋ بارىسىندا قازبەك ساعيدوللا بالانىڭ اقىل-وي قابىلەتىن دامىتاتىن Ibars-kids موبيلدىك ويىنىن تانىستىردى.
«ءبىلىم سالاسىندا IT-جوبالار جاساپ جۇرگەن كاسىپكەرلەر Ibars-kids موبيلدىك ويىنىن جاساپ شىقتى. ءبىزدىڭ موبيلدىك ويىنىمىز 2-5 جاس ارالىعىنداعى بالالاردىڭ ينتەللەكتۋالدى دامۋىنا ۇلەس قوسىپ، ولاردىڭ فۋنكتسيونالدى ساۋاتتىلىعىن ارتتىرادى. بۇل ويىن بالالارعا بارىنشا قىزىقتى بولۋى ءۇشىن ەرەكشە پەداگوگيكالىق تاسىلدەردى، جارقىن ديزاين مەن ساپالى دىبىستىق سۇيەمەلدەۋدى پايدالاندىق. قازىرگى كەزدە موبيلدىك ويىنىمىز رەسپۋبليكالىق، حالىقارالىق نارىققا شىقتى. سوندىقتان الداعى كەزەڭگە ءبىزدىڭ جوسپارىمىز وراسان»، - دەدى ق. ساعيدوللا
ال جاس كاسىپكەر اسقار احمەتوۆ مەملەكەت باسشىسىنا ءوزىنىڭ ۆيرتۋالدى (VR) جانە تولىقتىرىلعان شىنايىلىق (AR) تەحنولوگيالارىنا قاتىستى جوبالارى جونىندە ايتىپ بەردى.
قاسىم-جومارت توقايەۆ پاۆلودار وڭىرىنەن ءتۇرلى سالادا جەتىستىككە جەتكەن تالاي تاريحي تۇلعالار شىعاتىنىنا سەنىمى مول ەكەنىن ايتتى.
«پاۆلودار وبلىسىنان كوپتەگەن عالىمدار، مىقتى ماماندار شىقتى. سوندىقتان وسىنىڭ جالعاسى بولادى، بارشاڭىزعا تابىس تىلەيمىن»، - دەدى مەملەكەت باسشىسى.