پرەزيدەنت پاۆلودارداعى وفتالمولوگيا كلينيكاسىنا باردى

پاۆلودار. قازاقپارات - مەملەكەت باسشىسى قاسىم- جومارت توقايەۆ پاۆلودار تۇرعىندارىنا وفتالمولوگيالىق قىزمەتتەر كورسەتەتىن مەديتسينا مەكەمەسىنىڭ جۇمىسىمەن تانىستى. قازاقپارات بۇل تۋرالى اقورداعا سىلتەمە جاساپ حابارلايدى.
None

پرەزيدەنت دياگنوستيكالىق- ەمحانالىق كەشەنىن، ستاتسيونار ءبولىمىن، سونداي- اق لازەر ورتالىعى مەن وپەراتسيالىق بلوكتى ارالاپ كوردى.

مەكەمە باسشىلىعىنىڭ ايتۋىنشا، كلينيكا اي سايىن كوز اۋرۋىنا شالدىقققان 1 مىڭعا جۋىق ناۋقاستى قابىلداپ، 200 گە تارتا وتا جاسايدى. پاتسيەنتتەر اقىلى تۇردە دە، مىندەتتى الەۋمەتتىك مەديتسينالىق ساقتاندىرۋ (م ءا م س) اياسىندا دا دياگنوستيكادان وتە الادى.

كلينيكا قىزمەتكەرلەرىمەن اڭگىمەلەسۋ بارىسىندا پرەزيدەنت وڭىرلەردە وسىنداي جوعارى تەحنولوگيالىق ارناۋلى مەديتسينا مەكەمەلەرىنىڭ اشىلۋى وتە ماڭىزدى ەكەنىن اتاپ ءوتتى. مەملەكەت باسشىسى ورتالىق ۇجىمىنىڭ جاۋاپتى قىزمەتىنە تابىس تىلەدى.


سوڭعى جاڭالىقتار