شىمكەنتتە جوعالىپ كەتكەن جاس قىزدىڭ دەنەسى جەرتولەدەن تابىلىپ، جەزدەسى قامالدى
ءال- فارابي اۋداندىق پوليتسيا بولىمىنە 5- تامىز كۇنى جاس قىزدىڭ جوعالعانى تۋرالى حابارلاما تۇسكەن بولاتىن. اعاسىنىڭ ايتۋىنشا، 2004 -جىلعى ستۋدەنت 4- تامىز كۇنى ۇيدەن بەلگىسىز باعىتقا شىعىپ، قايتا ورالماعان.
بەلگىلى بولعانىنداي، تۇركىستان وبلىسىنىڭ تۋماسى وقۋىنا بايلانىستى ۋاقىتشا اپكەسىنىڭ ۇيىندە تۇرعان.
جەدەل- ىزدەستىرۋ جۇمىستارىنا شىمكەنت قالاسى پ د- ءنىڭ بارلىق جەكە قۇرامى جۇمىلدىرىلدى. ب ا ق- تا جانە الەۋمەتتىك جەلىدە 18 جاستاعى قىزدىڭ ءىس- ءتۇسسىز جوعالعانى تۋرالى حابارلاندىرۋ تاراتىلدى. ءۇش كۇن بويى ۇزدىكسىز جۇرگىزىلگەن ىزدەۋ جۇمىستارى وڭ ناتيجە بەرگەن جوق.
8-تامىز تۇنگى ساعات 1:30 شاماسىندا ءال- فارابي ا پ ب- عا تۋىستارى ءۇيدىڭ جەرتولەسىنەن جوعالعان قىزدىڭ ءولى دەنەسىن تاپقانى تۋرالى حابارلادى. وقيعا ورنىنا بارعان جەدەل تەرگەۋ توبى جەرتولەدەن توسەك جايماسىنا ورالعان، دەنەسىندە زورلىق بەلگىلەرى بار مۇردەنى انىقتادى. بويجەتكەندى تۋعان جەزدەسى ءولتىردى دەگەن كۇدىككە ءىلىندى.
ق ر ق ك 99-بابى «ادام ءولتىرۋ» بويىنشا سوتقا دەيىنگى تەرگەۋ امالدارى جۇرگىزىلىپ جاتىر. قاجەتتى ساراپتامالار تاعايىندالدى. كۇدىكتى ۋ ۇ ي- عا قامالدى.
وزگە اقپارات ق ر ق پ ك- ءنىڭ 201-بابىنا سايكەس تەرگەۋ مۇددەسىندە جاريالاۋعا جاتپايدى.
