بارلىق وڭىردە سپورت الاڭدارى مەن قۇرال-جابدىقتار تەكسەرىلەدى - عاني بەيسەمبايەۆ

استانا. قازاقپارات - وقۋ-اعارتۋ ءمينيسترى عاني بەيسەمبايەۆ فۋتبول قاقپاسىنىڭ قۇلاۋىنان بالا مەرت بولعان استاناداعى جازاتايىم وقيعاعا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ەلوردانىڭ ءبىلىم باسقارماسى كەشە بارلىق مەكتەپتەردىڭ سپورت الاڭدارىن تەكسەرۋگە تاپسىرما بەردى. استانادا عانا ەمەس، ەلىمىزدىڭ بارلىق وڭىرىندە سپورت الاڭدارى مەن قۇرال-جابدىقتار تەكسەرىلەدى»، - دەدى عاني بەيسەمبايەۆ ۇكىمەت كۋلۋارىندا.

ەسكە سالا كەتسەك، كەشە استاناداعى №10-مەكتەپتىڭ اۋماعىندا 10 جاسار بالانىڭ ۇستىنە فۋتبول قاقپاسى قۇلاعان. العان جاراقاتىنان وقۋشى كوز جۇمدى.

بۇل وقيعا بويىنشا قىلمىستىق ءىس قوزعالىپ، سوتقا دەيىنگى تەرگەۋ باستالدى.

ايتا كەتسەك، ماۋسىم ايىندا اقتاۋدا باسىنا فۋتبول قاقپاسى قۇلاعان 16 جاستاعى جاس ءوسپىرىم قايتىس بولدى.

ال، مامىر ايىندا 13 جاسار بالا تەمىرتاۋداعى سپورت كورتىندا جاراقات الدى. بالانىڭ باسىنا فۋتبول قاقپاسى قۇلاعان.