جاڭا بيزنەس يدەيالارى: استانادا گرانت الۋعا ءوتىنىم قابىلداۋ باستالدى

استانا. قازاقپارات - استانادا جاڭا بيزنەس- يدەيالاردى ىسكە اسىرۋعا گرانت الۋ ءۇشىن وتىنىمدەردى قابىلداۋ باستالدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
None

ەلوردادا شاعىن بيزنەس سۋبەكتىلەرىنە جاڭا بيزنەس-يدەيالاردى ىسكە اسىرۋ ءۇشىن كونكۋرستىق نەگىزدە 5 ميلليون تەڭگەگە دەيىنگى مولشەردە مەملەكەتتىك گرانت بولىنەدى.

كونكۋرسقا 3 جىلعا دەيىنگى جەكە كاسىپكەرلىك جانە ەكونوميكانىڭ باسىم سەكتورلارى اياسىندا قىزمەتىن جۇزەگە اسىراتىن رەسپۋبليكالىق تىزىلىمگە ەنگىزىلگەن الەۋمەتتىك كاسىپكەرلىك سۋبەكتىلەرى قاتىسا الادى.

قۇجاتتار Kezekte.kz پلاتفورماسىندا ونلاين رەجيمدە قابىلدانادى.

ءوتىنىم بەرۋ ءۇشىن مىنا قۇجاتتاردى ۇسىنۋ قاجەت:

1) ءوتىنىم بەرۋ ساتىندەگى جالدامالى جۇمىسكەرلەردىڭ ورتاشا سانى تۋرالى انىقتاما؛

2) ەسكىرۋ مەرزىمى 3 جىلدان اسپايتىن «بيزنەس باستاۋ» سەرتيفيكاتى؛

3) گرانت سوماسىنىڭ كەمىندە %20 ى بار بانكتەن ءۇزىندى كوشىرمە؛

4) دارا كاسىپكەردى تىركەۋ تۋرالى حابارلاما.

وتىنىمدەر 7-16-تامىزدا قابىلدانادى.

قوسىمشا اقپاراتتى استانا ينۆەستيسيالار جانە كاسىپكەرلىكتى دامىتۋ باسقارماسىنىڭ سايتىنان نەمەسە مىنا تەلەفون نومىرلەرى ارقىلى الۋعا بولادى: 77172556921+؛ 77172556903+؛ 77172556910+.

سوڭعى جاڭالىقتار