بيىل جالاقى قاي سالالاردا ەڭ كوپ ءوستى

«2023 -جىلعى II توقساندا باعالاۋ بويىنشا جالاقىنىڭ مەديانالىق ءمانى (جالاقى قاتارىنىڭ ورتالىق دەڭگەيى) 240779 تەڭگەنى، ال اتاۋلى جالاقىنىڭ ورتاشا ءمانى 365502 تەڭگەنى قۇرادى. 2022 -جىلدىڭ ءتيىستى توقسانىنا قاراعاندا ءوسىم پايىز17,1، ناقتى ماندە پايىز1,2 كورسەتتى»، - دەلىنگەن مالىمەتتە.
ەكونوميكا سالالارىندا بيىلعى Ⅱتوقساندا ءبىر جىل بۇرىنعى كورسەتكىشپەن سالىستىرعاندا ورتاشا جالاقى ەڭ كوپ اقپارات جانە بايلانىس سالاسىندا وسكەن - 36 پايىز. كولىك جانە قويما سالاسىندا - 24,6 پايىز، اۋىل، ورمان جانە بالىق شارۋاشىلىعىندا - 23,7 پايىز، كوتەرمە جانە بولشەك ساۋدا؛ اۆتوموبيلدەردى جانە موتوتسيكلدەردى جوندەۋ سالاسىندا 21,8 پايىز كوتەرىلدى.
ءبىلىم بەرۋدە ورتاشا ايلىق جالاقى 10,2 پايىز ارتسا، دەنساۋلىق ساقتاۋ جانە حالىققا الەۋمەتتىك قىزمەت كورسەتۋدە 15,6 پايىز قۇرادى.
الايدا ناقتى ماندە جالاقى كولەمى بىلتىرعى ەكىنشى توقسانمەن سالىستىرعاندا قۇرىلىستا - 3,5 پايىز، تۇرۋ جانە تاماقتانۋ قىزمەتتەرىن كورسەتۋدە - 2,6 پايىز، ءبىلىم بەرۋدە - 4,8 پايىز، سونداي-اق دەنساۋلىق ساقتاۋ جانە الەۋمەتتىك قىزمەت كورسەتۋدە 0,1 پايىز تومەندەدى.
وڭىرلىك بولىنىستە ورتاشا ايلىق اتاۋلى جالاقىنىڭ ەڭ جوعارعى ءوسىمى ۇلىتاۋ وبلىسىندا تىركەلدى - 23,8 پايىز. ەڭ تومەنگى ءوسىمى تۇركىستان وبلىسىندا - 12,2 پايىز.