ق ر پرەزيدەنتى حالىقتىڭ الەۋمەتتىك وسال توپتارىنىڭ قۇقىقتارىنا قاتىستى تاپسىرمالار بەردى
كەزدەسۋ بارىسىندا حالىقتىڭ تۇرمىس ساپاسىن ارتتىرۋ جانە الەۋمەتتىك قامسىزداندىرۋ جۇيەسىن ينستيتۋتتىق دەڭگەيدە جاڭعىرتۋ ماسەلەلەرى تالقىلاندى.
قاسىم- جومارت توقايەۆ سۆەتلانا جاقىپوۆاعا حالىقتىڭ الەۋمەتتىك جاعىنان وسال توپتارىنىڭ قۇقىقتارىنا كەپىلدىكتەر مەن ولاردىڭ زاڭدى مۇددەلەرىن قامتاماسىز ەتۋ جونىندە ءبىرقاتار تاپسىرما بەردى.
اتاپ ايتقاندا، پرەزيدەنت كوپبالالى انالار، جالعىزباستى انالار جانە مۇگەدەك بالالاردى تاربيەلەپ وتىرعان انالار سەكىلدى الەۋمەتتىك ساناتتاعى توپ وكىلدەرىمەن پرواكتيۆتى جۇمىس ىستەۋ، سونداي- اق زاڭناما اياسىندا ولاردىڭ قۇقىقتارى مەن مۇددەلەرىنىڭ ساقتالۋىنا قاتاڭ باقىلاۋ جۇرگىزۋ قاجەتتىگىن ايتتى.
پرەزيدەنت مۇگەدەكتىگى بار ادامداردىڭ ماسەلەسىن شەشۋگە ايرىقشا نازار اۋدارىپ، وسى ساناتقا جاتاتىن وتانداستارىمىزدىڭ تۇرمىس ساپاسىن جاقسارتۋعا مۇمكىندىك بەرەتىن زاڭنامالىق جانە ينستيتۋتتىق بازانى جەتىلدىرۋگە قاتىستى ۇسىنىستار ازىرلەۋدى تاپسىردى.
كەزدەسۋ سوڭىندا پرەزيدەنت ۇسىنىلعان تاسىلدەردى ءتيىمدى جۇزەگە اسىرۋ ءۇشىن ۋاكىلدىڭ مەملەكەتتىك ورگاندارمەن جانە ازاماتتىق قوعام ينستيتۋتتارىمەن تىعىز قارىم- قاتىناستا جۇمىس ىستەۋى ماڭىزدى ەكەنىن اتاپ ءوتتى.
