قىتايمەن ۆيزاسىز رەجيم ءالى كۇشىنە ەنگەن جوق - ق ر س ءى م

استانا. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ قىتايمەن ۆيزاسىز رەجيمگە قاتىستى شەشىم جىل سوڭىنا دەيىن قابىلدانۋى مۇمكىن ەكەنىن ايتتى، دەپ حابارلايدى قازاقپارات.
None

2023 -جىلعى 17- مامىردا شيان قالاسىندا قازاقستان مەن قىتاي اراسىندا ۆيزالىق تالاپتاردى ءوزارا بوساتۋ تۋرالى كەلىسىمگە قول قويىلدى. كەلىسىمنىڭ 11-بابىنا سايكەس، تاراپتار ونىڭ كۇشىنە ەنۋى ءۇشىن قاجەت مەملەكەتىشىلىك راسىمدەردىڭ ورىندالعانى تۋرالى حابارلامانى ءوزارا العان كۇننەن باستاپ، كۇنتىزبەلىك 30 كۇننەن كەيىن كۇشىنە ەنەدى. قازىرگى ۋاقىتتا قازاقستاندىق تاراپ بارلىق مەملەكەتىشىلىك راسىمدەردى اياقتادى. وسى كەلىسىمدى ق ر ۇكىمەتىنىڭ 2023 -جىلعى 26- شىلدەدەگى №612 قاۋلىسىمەن بەكىتىپ، سونداي- اق بيىل 28- شىلدەدە قازاقستاننىڭ سىرتقى ىستەر مينيسترلىگى قىتاي حالىق رەسپۋبليكاسىنىڭ سىرتقى ىستەر مينيسترلىگىنە ءتيىستى حابارلاما جولدادى. ءبىز قىتاي تاراپىنان ىشكى پروتسەدۋرالاردىڭ اياقتالۋى تۋرالى ءتيىستى حابارلاما كۇتەمىز، - دەپ ءتۇسىندىردى ا. سمادياروۆ مينيسترلىكتىڭ اپتالىق بريفينگىندە.

تيىسىنشە، قوس ەل اراسىندا ءوزارا ۆيزاسىز رەجيمنىڭ كۇشىنە ەنۋى تۋرالى اقپارات قازاقستاننىڭ سىرتقى ىستەر مينيسترلىگىنىڭ رەسمي ينتەرنەت- رەسۋرسىنا شىعادى جانە قازاقستاننىڭ بۇقارالىق اقپارات قۇرالدارىندا كەڭىنەن جاريالانادى.

شىلدەنىڭ سوڭىندا قازاقستان ۇكىمەتى وسى كەلىسىمدى بەكىتۋ تۋرالى قاۋلىنى قابىلداعاندا بىرنەشە ب ا ق قاتە اقپارات جىبەرىپ، بۇل كەلىسىم كۇشىنە ەندى دەپ جازىپتى. بۇل دۇرىس ەمەس. اتالعان قاۋلى تەك قازاقستان تاراپى ىشكى پروتسەدۋرانى اياقتادى دەگەندى بىلدىرەدى. ەندى قىتاي تاراپىنان ءدال سونداي حابارلامانى كۇتەمىز. وسىنداي حابارلاما كەلگەن كۇننەن باستاپ، 30 كۇنتىزبەلىك كۇننەن سوڭ كەلىسىم كۇشىنە ەنەدى. شەشىم جىل سوڭىنا دەيىن قابىلدانۋى ابدەن مۇمكىن، - دەدى ق ر س ءى م رەسمي وكىلى.


سوڭعى جاڭالىقتار