17:23, 07 - تامىز 2023 | GMT +5
حالىقارالىق جاستار كۇنىنە وراي الماتىدا قانداي ءىس- شارالار وتەدى
الماتى. قازاقپارات - الماتى قالاسى جاستار ساياساتى باسقارماسى باسشىسىنىڭ ورىنباسارى ءازيز قاجدەنبەك «12-تامىز - حالىقارالىق جاستار كۇنى» الماتىدا قانداي ءىس- شارالار وتەتىنىن ءمالىم ەتتى، دەپ حابارلايدى قازاقپارات ءتىلشىسى.

سپيكەردىڭ ايتۋىنشا، الماتىدا حالىقارالىق جاستار كۇنىن مەرەكەلەۋ اياسىندا 18 ءىس- شارا وتەدى.
«ونىڭ ىشىندە NEET ساناتىنداعى جاستار اراسىنداعى كيبەرسپورت چەمپيوناتى، پرەزيدەنتتىڭ «تاۋەلسىزدىك ۇرپاقتارى» اتتى باعدارلاماسى اياسىندا گرانتتاردى تاپسىرۋ، اشىق اسپان استىنداعى كينو كەشتەرى، پودكاست جازبالارى، جاستار چەللەندجدەرى مەن قالالىق كۆەستتەر، زياتكەرلىك كۆەستتەر، اشىق ەسىك كۇندەرى، «Jaz Energy» Fest, الماتى قالاسى اكىمدىگى جانىنداعى جاستار جونىندەگى كەڭەستىڭ وتىرىسى، سەنبىلىكتەر جانە تاعى باسقا شارالار وتەدى»، - دەدى ءازيز قاجدەنبەك وڭىرلىك كوممۋنيكاتسيالار قىزمەتى الاڭىندا وتكەن بريفينگتە.
ءىس- شارالارعا جاستار قوزعالىستارى، كوشباسشىلار، قوعام بەلسەندىلەرى، جاستار ۇيىمدارى، قالا بازارلارىندا جۇمىس ىستەيتىن جاستار قاتىسادى.