پارسى شىعاناعى، پاكىستان، ءۇندىستان، شىعىس افريكا: قازاقستاننان تىكەلەي ەكسپورت جولى اشىلماق

ونى قۇرۋ پەرسپەكتيۆالارىن قازاقستان پرەمەر- ءمينيسترىنىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين جانە Simatech Shipping Forwarding (ADP توبىنا كىرەدى) باسشىسى داۆۋد تافتي تالقىلادى، دەپ حابارلايدى قازاقپارات ۇكىمەت سايتىنا سىلتەمە جاساپ.
اتاپ ايتقاندا، Abu Dhabi Ports كومپانياسىمەن (Simatech Shipping Forwarding اتىنداعى AD Ports Group بولىگى) بىرلەسكەن كاسىپورىندى ىسكە قوسۋ قازاقستانعا پارسى شىعاناعى، تاياۋ شىعىس، پاكىستان، ءۇندىستان جانە شىعىس افريكا جاعالاۋىنداعى ەلدەر نارىقتارىنا ەلىمىزدەن ەكسپورتتالعان جۇكتەردى جەتكىزۋدىڭ ەڭ قىسقا تىكەلەي جولىن قۇرۋعا مۇمكىندىك بەرەدى.
نەگىزگى مىندەت - قازاقستانداعى قۇرىق پورتىنان پارسى شىعاناعى ەلدەرىنە ءامىراباد جانە بەندەر- ابباس (يران) پورتتارى ارقىلى اۋىل شارۋاشىلىعى تاۋارلارىن جەتكىزۋ. جاڭا باعىت قازاقستاندىق ەكسپورتتاۋشىلارعا بۇرىن- سوڭدى بولماعان مۇمكىندىكتەر اشپاق: ءۇش كۇندە يران ارقىلى ءامىراباد، بەندەر- ابباس، بەندەر- حومەيني، چاباحار پورتتارىنا، ب ا ءا- لىك حاليفا، فۋدجەيراعا جانە ءارى قاراي ءۇندىستان، پاكىستان، قيىر شىعىس، افريكانىڭ شىعىس جاعالاۋىنداعى بارلىق پورتقا جول اشادى. بۇل رەتتە باسقا تاۋارلاردى ەۋروپا ەلدەرىنە جەتكىزۋ مۇمكىندىگى دە قاراستىرىلادى.
كەزدەسۋ بارىسىندا تاراپتار ءارى قاراي پارسى شىعاناعى ەلدەرىنە ترانزيت جاساۋعا مۇمكىندىك بەرەتىن كاسپي تەڭىزى ارقىلى يران يسلام رەسپۋبليكاسىنا جۇكتەردى جەتكىزۋ مارشرۋتتارىنىڭ نۇسقالارىن تالقىلادى. Simatech Shipping Forwarding كومپانياسىنىڭ CEO- سى داۆۋد تافتيدىڭ ايتۋىنشا، كومپانيا ءارقايسىسى 7500 توننا جۇك كوتەرەتىن 4 كەمە ساتىپ العان. كەمەلەردىڭ سۋداعى تەرەڭدىگى - 6 مەتر، ولار ءۇيىندى، كونتەينەرلىك، سونداي- اق نەگىزگى جۇكتەردى تاسىمالداۋعا قابىلەتتى. قازىرگى ۋاقىتتا كەمەلەر - ءامىراباد پورتىندا (يراننىڭ بەحشار وكرۋگىنىڭ سولتۇستىگىندە) ورنالاسقان. الداعى 2 -جىل ىشىندە كومپانيا وسىنداي 10 كەمەنى جەتكىزۋدى جوسپارلاپ وتىر. سونداي- اق، جاقىندا كومپانيا 45 جۇك كولىگىن جانە ءارقايسىسى 350 جۇك كولىگىن تاسىمالداۋعا قابىلەتتى ەكى بارجانى ساتىپ الدى. الداعى 4 ايعا ارنالعان جوسپاردا جۇك اۆتوپاركىنىڭ سانىن 200 گە دەيىن، بولاشاقتا 1000 عا دەيىن جەتكىزۋ تۇر.
قۇرىق (قازاقستان) جانە حاليفا (ب ا ءا) بازالىق پورتتار بولادى. بۇل ەكى پورت بارلىق قاجەتتى ينفراقۇرىلىممەن جانە تەحنيكامەن قامتىلادى. سونداي- اق، كومپانيانىڭ جۇكتەردى بىرىكتىرۋ جانە قايتا جيناۋ ءۇشىن ەكى قۇرعاق پورتى بار. مۇنىڭ ءبارى قازاقستاندىق ەكسپورتتاۋشىلارعا يراننان 2-3 كۇندە وتۋگە مۇمكىندىك بەرەدى.
ەسكە سالا كەتەيىك، بيىل ءساۋىر ايىندا ق ر پرەمەر- ءمينيسترىنىڭ يرانعا ساپارى بارىسىندا قۇرىق پەن ءامىراباد پورتتارى اراسىنداعى تاسىمالداردى دامىتۋ تۋرالى كەلىسىمگە قول قويىلدى. قول جەتكىزىلگەن ۋاعدالاستىقتاردى ىسكە اسىرۋ اياسىندا وسى پورتتاردا استىق تەرمينالدارى ءۇشىن ينفراقۇرىلىم سالۋ جۇمىستارى اياقتالۋعا جاقىن.