اباي وبلىسىندا بالانى اڭدىعان ەر ادامنىڭ ارەكەتى تەكسەرىلدى

بالانىڭ ايتۋىنشا، باس كيىم مەن اق فۋتبولكا كيگەن بەلگىسىز ادام ونى كوشەدەن جانە كىرەبەرىسكە دەيىن اڭدىعان. سۇقتانعان كوزدى بايقاعان بالا قادامدارىن جىلدامداتا باستاعان ساتتە، ارتىنشا ەر ادام دا تەزدەتە باستاعان. بالا ءۇيىنىڭ كىرەبەرىسىنە جۇگىرىپ بارىپ، ەسىكتى جاۋىپ الىپ، بەلگىسىز ادامنان قۇتىلادى.
«ول ورىن العان جاعدايدى ءوزىنىڭ ۇيدە بولعان اپكەسىنە بايانداپ بەرەدى. اباي وبلىسىنىڭ پوليتسەيلەرى دەرەۋ ەر ادامنىڭ جەكە باسىن انىقتاۋ بويىنشا ءىس-شارالار وتكىزدى. ول شاعىن اۋداننىڭ 47 جاستاعى تۇرعىنى بولىپ شىعىپ، ۋچاسكەلىك پوليتسيا پۋنكتىنە جەتكىزىلدى.
جاۋاپ الۋ بارىسىندا ەر ادام زاڭسىز ەشتەڭە جاساماعاندىقتان، بالانىڭ قورىققانىن بىلمەگەنىن ءتۇسىندىردى»، - دەلىنگەن ايماقتاعى پوليتسيا دەپارتامەنتىنىڭ جازباسىندا.
تەكسەرۋ شارالارىن جۇرگىزىپ، بەينەباقىلاۋ كامەرالارىنىڭ جازبالارىن قاراپ شىققاننان كەيىن، پوليتسەيلەر راسىمەن دە ەر ادامنىڭ ءىس-ارەكەتىنەن اڭدۋ فاكتىسىن بايقامادى.
Посмотреть эту публикацию в Instagram