قانت ديابەتىنەن ارىلتاتىن تاعامدار

استانا. قازاقپارات – قانت ديابەتى - بۇل ۇزاق ۋاقىت بويى انىقتالمايتىن اۋرۋ. ءبىراق ادامنىڭ تەز شولدەۋى، جارالاردىڭ جازىلماۋى، دارەتحاناعا ءجيى بارۋ سەكىلدى بەلگىلەردى بىردەن اڭعارۋ كەرەك.

سەبەبى، ۇزاق ۋاقىت ءمان بەرمەي جۇرسەڭىز اۋرۋ دەنەڭىزگە دەندەپ، اعزانى بۇزۋى مۇمكىن. ەگەر سىزگە قانت ديابەتى نەمەسە پرەديابەت دياگنوزى قويىلسا تەز ارادا دۇرىس تاماقتانۋدى قالىپتاستىرۋ قاجەت. سەبەبى كەيبىر تاعامدار اۋرۋدىڭ الدىن الۋعا كومەكتەسەدى، - دەپ حابارلايدى doctorpiter. ru.

بۇرشاق داقىلدارى

بۇل اقۋىز بەن ەريتىن تالشىقتىڭ تاماشا ۇيلەسىمى. بۇرشاقتاردى تاماققا قوسىپ جەۋ ۇزاق ۋاقىت بويى قانىقتىلىق سەزىمى تۋدىرىپ، سالماق پەن قانداعى قانتتى باقىلاۋعا كومەكتەسەدى. سونىمەن قاتار، بۇرشاق جۇرەك دەنساۋلىعىنا پايدالى. ءسىز ۇرمە بۇرشاق (فاسول)، نوقات (نۋت) جانە باسقا بۇرشاق داقىلدارىن جەي الاسىز.

بۇل ونىمدە قانداعى قانت پەن قان قىسىمىن تومەندەتۋگە كومەكتەسەتىن بەتا- گليۋكاندار بار. سۇلى مايىن اپتاسىنا كەمىندە ەكى رەت جەڭىز، تەك وعان قانت قوسپاڭىز! تاعامدى جەمىس- جيدەكتەرمەن نەمەسە دارشىنمەن ءارتاراپتاندىرۋعا تىرىسىڭىز.

ءداندى نان

قانت ديابەتى دياگنوزى قويىلعان ادامدارعا دا قۇرامىندا كومىرسۋ بار تاعامداردى جەۋگە بولادى. ەڭ باستىسى تاعامداردى دۇرىس تاڭداي ءبىلۋ كەرەك. ءداندى ناننىڭ قۇرامىندا كوپتەگەن دارۋمەندەر، مينەرالدار جانە تالشىقتار بار. ورگانيكالىق قوسىلىستارعا باي تاعامدى جەۋ قانت ديابەتىن تومەندەتۋگە كومەكتەسەدى.

جابايى كۇرىش

مۇنداي جاعدايدا اق كۇرىشتەن باس تارتۋ كەرەك. الايدا ءسىز ونى قوڭىر (جابايى) كۇرىشپەن الماستىرا الاسىز. ونىمدە مارگانەتس، مىرىش جانە فولي قىشقىلىمەن بىرگە تابيعي تالشىق بار.

ءتاتتى كارتوپ (باتات)

ءتاتتى كارتوپ گليكەميالىق يندەكسى كادىمگى اق كارتوپقا قاراعاندا تومەن، سوندىقتان ونى قانت ديابەتىمەن اۋىراتىن ادامدارعا جەۋگە بولادى. سونىمەن قاتار، ول اعزاعا قاجەتتى ا دارۋمەنىنە اينالاتىن بەتا- كاروتينگە باي.

جاسىمىق

جاسىمىق - ءتوزىمدى كراحمالعا باي كومىرسۋلاردىڭ ءبىر ءتۇرى. ونىڭ قانداعى قانتقا اسەرى از. ويتكەنى ول اعزا ارقىلى قورىتىلماي، اس قورىتۋ جولىنىڭ تومەنگى جاعىنداعى ساۋ باكتەريالاردى قورەكتەندىرەدى.

تاۋىق ەتى

بۇل كۇش بەرەتىن تازا اقۋىزعا باي ءونىم. تاۋىق ەتىنەن ءتۇرلى تاعامدار جاساۋعا بولادى. ونىڭ قايناتىپ سورپاسىن ءىشىڭىز نەمەسە ءپىسىرىپ جەۋگە بولادى. الايدا، ءتۇرلى دامدەۋىشتەردى قوسۋدان اۋلاق بولىڭىز. سونىمەن قاتار تاۋىق جۇمىرتقاسىن دا اراگىدىك جەپ تۇرۋدى ۇمىتپاڭىز.

مايلى بالىق

بۇل اعزاعا پايدالى اسەر ەتەتىن اقۋىز بەن ومەگا-3 تىڭ توپتاسقان ورتاسى. مايلى بالىق قانداعى قانت دەڭگەيىن باقىلاۋعا عانا ەمەس، سونىمەن قاتار دەنە ءبىتىمى مەن ءال- اۋقاتىن ساقتاۋعا كومەكتەسەدى.

سونىمەن قاتار مىنا كوكونىستەردى دە جەۋگە كەڭەس بەرەمىز:

شپينات؛

بروككولي؛

بولگار بۇرىشى؛

سۋككيني؛

بالدىركوك؛

ءتۇستى قىرىققابات؛

اق قىرىققابات؛

ءسابىز؛

قىزىل پياز؛

قىزاناق.

بۇل كوكونىستەردىڭ بارلىعىندا دەرلىك گليۋكوزا جوق. كەيبىرەۋىندە ونىڭ ەڭ از عانا مولشەرى بار. ءبىراق ولار تابيعي تالشىقتارعا، مينەرالدار مەن دارۋمەندەرگە باي. ولار دەنەنى قانىقتىرۋعا كومەكتەسەدى. جۇرەكتى، تامىرلاردى نىعايتادى، تەرىنىڭ جانە بۇكىل دەنەگە پايدالى اسەر ەتەدى.

جەمىستەر مەن جيدەكتەر ءسىزدىڭ كۇندەلىكتى راتسيونىڭىزدا بولۋى كەرەك. ولاردىڭ قۇرامىندا تابيعي تالشىق كوپ. سونىمەن قاتار قانداعى قانتتى باقىلايدى. ليمون، ورىك، الما، كوكجيدەك، قاراقات، تاڭقۋراي، شيە سەكىلدى جەمىس جيدەكتەر قانت ديابەتى كەزىندە وتە پايدالى.