الماتىداعى ءورت كەزىندە بالالاردى قۇتقارعان تۇركيا ازاماتى ماراپاتتالدى

الماتى. قازاقپارات - تۇركيا ەلىنىڭ ازاماتى شۇكىر گۇناي الماتىداعى تۇركيانىڭ باس كونسۋلدىعىندا ماراپاتتالدى، دەپ حابارلايدى قازاقپارات ءتىلشىسى.
None

بەلگىلى بولعانداي، شۇكىر گۇناي «اقكەنت» تۇرعىن ءۇي كەشەنىندەگى جانتۇرشىگەرلىك ءورت كەزىندە 16-قاباتتا قويۋ قارا ءتۇتىننىڭ اراسىندا قالىپ قالعان ايەلدى ءۇش بالاسىمەن بىرگە قۇتقارعان.

«الماتىداعى ءورت كەزىندە اناسى مەن ءۇش بالاسىن قۇتقارعان ءبىزدىڭ ازاماتىمىز - شۇكىر گۇنايعا جانە باسقا دا ازاماتتارعا ادامي قۇندىلىقتارعا باي تۇرىك- قازاق باۋىرلاستىعىنا قوسقان ۇلەسى ءۇشىن العىس ايتامىز»، - دەلىنگەن الماتىداعى تۇركيا باس كونسۋلدىعىنىڭ حابارلاماسىندا.

ەسكە سالايىق، 1-تامىز كۇنى الماتىدا 16 قاباتتى ۇيدە ءورت تۇتانعانىن حابارلاعان ەدىك.

قىزىل جالىن ساعات 18:46 كەزىندە وقشاۋلانىپ، ءسوندىرىلدى. امالى قالماعان تۇرعىندار بالالارىن تەرەزەدەن لاقتىردى.

زارداپ شەككەندەردىڭ ىشىندە 2 جۇكتى ايەل بار.

كەيىن الماتى قالالىق دەنساۋلىق ساقتاۋ باسقارماسى ءبىر ادامنىڭ قازا تاپقانىن حابارلادى.


سوڭعى جاڭالىقتار