الەم بويىنشا كوروناۆيرۋس اۋرۋى قايتا كۇشەيىپ كەلە جاتىر

دۋشانبە. حوۆار - قازاقپارات - COVID-19 قاۋپى ءالى سەيىلگەن جوق، دەپ حابارلايدى قازاقپارات حوۆار اگەنتتىگىنە سىلتەمە جاساپ.
None

د د س ۇ اقپاراتتىق بيۋللەتەنىنە سايكەس، الەمدە 13-30-شىلدە ارالىعىنداعى ءتورت اپتا ىشىندە 1008194 ينفەكتسيا جۇقتىرعاندار مەن 3132 ءولىم تىركەلگەن.

ۇيىم د د س ۇ 5-مامىردا جاريالاعان توتەنشە جاعداي رەجيمىنىڭ اياقتالۋىنا قاراماستان، COVID-19 ءالى دە قاۋىپتى بولىپ قالا بەرەتىنىن مالىمدەدى.

وسىعان بايلانىستى ەلدەردى اۋرۋمەن كۇرەسۋگە قۇرىلعان ينفراقۇرىلىمدى ءالى دە قولداۋعا شاقىردى.

«ەپيدەميالىق باقىلاۋ، ەسەپ بەرۋ، كوروناۆيرۋستىڭ نۇسقالارىن قاداعالاۋ، ەرتە كلينيكالىق كومەك كورسەتۋ، جوعارى ءقاۋىپتى توپتاردا كۇشەيتكىش ۆاكتسيناتسيا جۇرگىزۋ وتە ماڭىزدى»، - دەلىنگەن بيۋللەتەندە.

باتىس تىنىق مۇحيتى ايماعىندا اۋرۋدىڭ %38 عا ءوسۋى بايقالدى، ال ددسۇ- نىڭ قالعان بەس ايماعىندا تومەندەدى. ءولىم- ءجىتىم بارلىق التى ايماقتا، اسىرەسە ەۋروپادا %75 عا تومەندەدى.

ءتورت اپتا ىشىندە ەڭ كوپ اۋىرعاندار كورەيا رەسپۋبليكاسىندا انىقتالدى - 751484.

ودان كەيىن برازيليا (45,642)، اۆستراليا (30,144) ، جاڭا زەلانديا (23,443) جانە سينگاپۋر (23,216). برازيليادا ەڭ كوپ قايتىس بولعاندار 13-30-شىلدە ارالىعىندا تىركەلدى - 695.

ودان كەيىن پەرۋ (321)، اۆستراليا (260)، رەسەي (251) جانە كورەيا رەسپۋبليكاسى (199).

سوڭعى جاڭالىقتار