تۇرمەدە جاتىپ، تەلەفونمەن ادامداردى الداعان

«29-ماۋسىم كۇنى بەلگىسىز ادام 54 جاستاعى ا. ەسىمدى ازاماتتىڭ WhatsApp جەلىسىنە قىزى باسقا نومىردەن حات جازىپ جاتقاندىعى جايلى جانە ليميتتىك كارتالاردا قارىزدارى بارىن حابارلاعان. وسىلايشا، ول جابىرلەنۋشىنىڭ بانكتىك كارتاسىنىڭ دەرەكتەرىن الىپ، 477 مىڭ تەڭگەنى يەمدەنەدى.
ب ق و كيبەرپوليتسەيلەرى وبلىستىق ق ا ج د قىزمەتكەرلەرىمەن بىرلەسىپ، قازىرگى ۋاقىتتا الاياقتىق جاساعانى ءۇشىن باس بوستاندىعىنان ايىرۋ ورىندارىندا جازاسىن وتەپ جاتقان 26 جاستاعى م. ەسىمدى كۇدىكتىنى اشكەرەلەدى. ودان تەلەفون مەن ەكى SIM- كارتا تابىلدى. ول قىلمىستىق ارەكەتىن مويىندادى. ق ر ق ك-نىڭ 190-بابى بويىنشا سوتقا دەيىنگى تەرگەۋ جۇرگىزىلىپ جاتىر»، - دەلىنگەن حابارلامادا.
ق ا ج د تىيىم سالىنعان زاتتاردى وتكىزۋ ارنالارىن انىقتاۋ جانە جولىن كەسۋ بويىنشا بەلسەندى جۇمىس جۇرگىزىلىپ جاتقانىن حابارلادى. سونىمەن قاتار، مەكەمەلەر ىشىندەگى ۇيالى تەلەفونداردى تاركىلەۋ، ۇيالى بايلانىس ارقىلى ارنايى كونتينگەنت جاساعان قىلمىستاردى اشۋ بويىنشا جۇمىستار جۇرگىزىلىپ جاتىر.