ۇكىمەت قىتايمەن ارادا ۆيزاسىز رەجيم تۋرالى كەلىسىمدى بەكىتتى

«تاراپتار ۋاعدالاسقان كەلىسىمنىڭ 2-بابىنا سايكەس، ەكى ەل ازاماتتارى ىسكەرلىك ماقساتپەن، جۇمىس بابىمەن، جەكە ىسپەن، ەمدەلۋگە نەمەسە تۋريست رەتىندە بارعان جاعدايدا ۆيزالىق تالاپتار الىنىپ تاستالدى. مەملەكەتتىك شەكارانى كەسىپ وتكەن ساتتەن باستاپ 30 كۇننەن اسپايتىن كەزەڭگە ەل اۋماعىندا بولا الادى. ەگەر ۋاعدالاسۋشى ەلدەردىڭ ازاماتتارى كەلىسىمنىڭ 2-بابى 1- تارماعىندا كوزدەلگەن ياعني مەملەكەتكە بارۋداعى ماقساتى مەن مەرزىمى سايكەس كەلمەگەن جاعدايدا الدىن-الا ۆيزاعا ءوتىنىش بەرۋى ءتيىس»، - دەلىنگەن رەسمي قۇجاتتا.
قازاقستان ازاماتتارىنان تالاپ ەتىلەتىن قۇجاتتار:
- قازاقستان رەسپۋبليكاسى ازاماتىنىڭ ءتولقۇجاتى؛
- قازاقستان رەسپۋبليكاسىنا قايتىپ ورالۋ تۋرالى كۋالىك.
قىتاي ازاماتتارىنان سۇرالاتىن قۇجاتتار:
- قىتاي حالىق رەسپۋبليكاسى ازاماتىنىڭ جارتىلاي قىزمەتتىك پاسپورتى؛
- قىتاي حالىق رەسپۋبليكاسى ازاماتىنىڭ پاسپورتى؛
- قىتاي حالىق رەسپۋبليكاسىنىڭ ۋاقىتشا جول ءجۇرۋ قۇجاتى.
ۇكىمەت قاۋلىسىنىڭ تولىق نۇسقاسىمەن وسى سىلتەمەدە تانىسۋعا بولادى.