تۇرمەدەن شىققان ەر ادام ايەلىن قىزعانىشتان بۋىندىرىپ ءولتىردى

استانا. قازاقپارات - سامارقاندتاعى «نۇرلى يۋل» قوناق ۇيىندە 30 جاستاعى ايەلدى كۇيەۋى تۇنشىقتىرىپ ولتىرگەن، - دەپ حابارلايدى nuz.uz سايتى.
None

وسىعان دەيىن سامارقاندتاعى «نۇرلى يۋل» قوناق ۇيىندە تۇنشىعۋ بەلگىلەرى بار 30 جاستاعى ايەلدىڭ دەنەسى تابىلعان بولاتىن. سامارقاند وبلىسىنىڭ پروكۋراتۋراسى قىلمىستىق كودەكستىڭ 97-بابى («قاساقانا كىسى ءولتىرۋ») بويىنشا قىلمىستىق ءىستىڭ اشىلعانى تۋرالى حابارلادى.

ايەل سامارقاندقا تاشكەنتتەن ءوزىنىڭ تانىسىنىڭ شاقىرۋىمەن اقشا تابۋعا كەلگەن.

قايتىس بولعان ايەل تۇرمەدە جازاسىن وتەپ جاتقان اداممەن ازاماتتىق نەكەدە بولعان. 8- شىلدە كۇنى ەر ادام بوساتىلىپ، ەرلى-زايىپتىلار قوناق ۇيدەگى بولمەنى جالعا العان.

تۇندە ايەلگە بەيتانىس ادام قوڭىراۋ شالىپ، قۇربىسىن سۇراعان. كۇيەۋى ونى بەيتانىس اداممەن سويلەسكەنىنە قىزعانىشپەن قاراپ، جانجال شىعارعان. سوسىن ايەلىن سومكەنىڭ باۋىمەن تۇنشىقتىرىپ، ولتىرگەن. كەيىن ول قاشىپ كەتكەن.

مارقۇمنىڭ دەنەسى 9- شىلدەدە ساعات 02:30 شاماسىندا تابىلدى. ونىڭ ولىمىنە كۇدىكتى ەر ادام ۇستالدى.

سوڭعى جاڭالىقتار