قازاق- قىتاي شەكاراسى ماڭىندا جانارمايعا سۇرانىس ارتتى

ءۇرجار. قازاقپارات - ءۇرجار اۋدانىندا جانار- جاعارماي قورى جەتكىلىكتى، دەپ حابارلايدى قازاقپارات اباي وبلىسى اكىمدىگىنە سىلتەمە جاساپ.
None

ءۇرجار اۋدانىندا 14 جانارماي قۇيۋ ستانساسى بار (ءۇرجار اۋىلىندا - 3 جانارماي قۇيۋ بەكەتى جانە 1 سۇيىتىلعان گازدى ساتۋعا ارنالعان جانارماي قۇيۋ ستانسياسى، ماقانشى اۋىلىندا – 1، اقجار اۋىلىندا – 3، باقتى اۋىلىندا – 1، تاسكەسكەن اۋىلى – 2، قابانباي اۋىلى - 2 جانارماي قۇيۋ ستانسياسى جانە 1 سۇيىتىلعان گازدى ساتۋعا جانارماي قۇيۋ ستانسياسى).

قازىرگى ۋاقىتتا تۋريستىك ماۋسىمنىڭ قىزعان شاعىندا اۆتوكولىك سانىنىڭ كوبەيۋىنە (كۇنىنە شامامەن 2500 اۆتوكولىك)، سونداي-اق شەكاراداعى كولىك-لوگيستيكا ورتالىعىنىڭ جۇمىسىنا (كۇن سايىن 120 جۇك كولىكتەرى ق ح ر جونەلتىلەدى) بايلانىستى جانارمايعا سۇرانىس ارتتى.

اسىرەسە اي-92 ماركالى بەنزينگە سۇرانىس جوعارى.

باقتى، ءۇرجار اۋىلدارىندا جانە تاسكەسكەن- باقتى رەسپۋبليكالىق تاس جولىنىڭ 92 شاقىرىمىندا ورنالاسقان «PetroRetail» جانە «Helios» جانار-جاعارماي قۇيۋ ستانسيا جەلىلەرى كومپانيانىڭ اياگوز جانە وسكەمەن قالالارىنداعى مۇناي بازالارىن ۇزدىكسىز جانار- جاعارمايمەن قامتاماسىز ەتەدى.

بۇگىنگى تاڭدا وبلىستاعى جانار- جاعارماي قورى: اي-92 - 82,6 توننا؛ اي-95 - 6,0 توننا؛ ديزەل وتىنى- 92,5 توننا.

قازىرگى كۇنى اۋدانعا: اي-92 - 117,9 توننا، ديزەل وتىنى - 6,5 توننا كەلە جاتىر.

ايتا كەتسەك، 30-شىلدەدە قابانباي اۋىلىندا «Alem Trans Oil» ج ش س سىيىمدىلىعى 30 تەكشە مەتردى قۇرايتىن جىلجىمالى مودۋلدى جانارماي قۇيۋ ستانسياسى ىسكە قوسىلدى.

اۋداندا جانار-جاعارمايمەن قامتاماسىز ەتۋ جۇمىستارى قارقىندى ءجۇرىپ جاتىر.

سوڭعى جاڭالىقتار