ساۋل «كانەلو» الۆارەس قازاقستانعا كەلۋى مۇمكىن

استانا. قازاقپارات - ەكىنشى ورتا سالماقتا ابسوليۋتتى الەم چەمپيونى ساۋل «كانەلو» الۆارەس (59-2-2، 39 ك و) قازاقستانعا قوناق بولىپ كەلۋى مۇمكىن. ونى جىل سوڭىندا وتەتىن بوكس كەشىنە شاقىرعان، - دەپ حابارلايدى Vesti.kz.

سايت اقپاراتى بويىنشا، بوكس كەشى الماتى نەمەسە استانادا وتەدى، ال بوكسشىمەن جانكۇيەرلەرىنىڭ كەزدەسۋى دە جوسپارلانعان.

ايتا كەتەيىك، ساۋل الۆارەس كەلەسى جەكپە-جەگىن 30- قىركۇيەك كۇنى لاس-ۆەگاستا (ا ق ش، نيەۆادا شتاتى) وتكىزەدى. قارسىلاسى - ءبىرىنشى ورتا سالماقتاعى ابسوليۋتتى الەم چەمپيونى دجەرمەلل چارلو (35-1-1، 19 ك و).

«كانەلومەن» گەننادي گولوۆكين ءۇش رەت جۇدىرىقتاستى. ءبىرىنشىسى تەڭ اياقتالسا، كەيىنگى ەكى جەكپە-جەكتە تورەشىلەر الۆارەستى جەڭىمپاز دەپ تانىدى.