16:56, 03 - تامىز 2023 | GMT +5
استانادا ءوز قىزىن زورلاعان بۇرىنعى اسكەري قىزمەتكەرگە كاستراتسيا تاعايىندالدى
استانا. قازاقپارات - استانانىڭ قىلمىستىق ىستەر جونىندەگى مامانداندىرىلعان اۋدانارالىق اسكەري سوتى اقتاۋ گارنيزونىنىڭ بۇرىنعى اسكەري قىزمەتشىسىنە قاتىستى ۇكىم شىعاردى.

وعان 11 جاستاعى قىزىن بىرنەشە رەت زورلادى دەگەن ايىپ تاعىلعان بولاتىن، - دەپ حابارلايدى Massaget.kz ءتىلشىسى باس اسكەري پروكۋراتۋرا باسپا ءسوز قىزمەتىنە سىلتەمە جاساپ.
«سوت ۇكىمى بويىنشا، ەكس-اسكەري قىزمەتكەر ق ر ق ك- نىڭ 120-بابى 4-بولىگى «كامەلەتكە تولماعاندى زورلاۋ»، 121-بابى 4-بولىگى «سەكسۋالدىق سيپاتتاعى زورلىق-زومبىلىق ارەكەتتەرى» جانە 124-بابى 3-بولىگى «جاس بالالاردى ازعىندىق جولعا ءتۇسىرۋ» بويىنشا قىلمىستىق-اتقارۋ جۇيەسىنىڭ توتەنشە قاۋىپسىزدىك مەكەمەسىندە قاماۋعا الا وتىرىپ، ءومىر بويىنا باس بوستاندىعىنان ايىرۋ جازاسىنا كەسىلدى. سونداي-اق، ۇكىمدە بۇرىنعى اسكەري قىزمەتكەرگە قاتىستى حيميالىق كاستراتسيا تۇرىندەگى ماجبۇرلەۋ شارالارىن قولدانۋ قاراستىرىلعان»، - دەلىنگەن حابارلامادا.