التىن، كومىر، تەمىر، مۇناي، مىس كەن ورىندارى مەملەكەت مەنشىگىنە قايتارىلدى

ۇكىمەت شارت تالاپتارىن بۇزعان جەر قويناۋىن پايدالانۋشىلارمەن جاسالعان كەلىسىمشارتتار مەن ليسەنزيالاردى قايتا قاراۋ بويىنشا جۇمىس جۇرگىزىپ جاتىر.
وسىلايشا، جۇرگىزىلگەن تالداۋ ناتيجەلەرىنە سايكەس ۋاكىلەتتى ورگاندار 118 كەلىسىمشارتتى (2023 -جىلدىڭ باسىنان بەرى - 19 كەلىسىمشارت) جانە قاتتى پايدالى قازبالار (پ ق ق) بويىنشا 245 ليسەنزيانى (2023 -جىلدىڭ باسىنان بەرى - 42 ليسەنزيا)، سونداي- اق كومىرسۋتەك شيكىزاتى بويىنشا 27- كەلىسىمشارتتى (2023 -جىلدىڭ باسىنان بەرى - 15 ليتسەنزيا) بۇزدى.
ناتيجەسىندە التىن، كومىر، تەمىر، مىس، كومىرسۋتەكتەر، بوكسيتتەر، پوليمەتالدار جانە ت. ب. كەن ورىندارى مەملەكەتتىك قورعا قايتارىلدى، ولار كەيىننەن جاڭا ينۆەستورلارعا بەرۋ ءۇشىن اشىق اۋكسيونعا شىعارىلادى.
بۇل جەر قويناۋىن پايدالانۋ سالاسىندا قوسىمشا ينۆەستيتسيالار اعىنىن قامتاماسىز ەتەدى.
قازىردىڭ وزىندە 2023 -جىلى وتكىزىلگەن اۋكسيونداردىڭ قورىتىندىسى بويىنشا ەل بيۋدجەتىنە 1,5 ميلليارد تەڭگە كولەمىندە قول قويۋ بونۋسى تولەندى. بۇل رەتتە كومىرسۋتەگى شيكىزاتىن بارلاۋ بويىنشا جاڭا ينۆەستيتسيالار 15,7 ميلليارد تەڭگەدەن اسادى.
بۇل رەتتە ۋاكىلەتتى ورگاندار قارجىلىق مىندەتتەمەلەردى بۇزعان جەر قويناۋىن پايدالانۋشىلارعا ايىپپۇل سانكسيالارىن قولدانۋ بويىنشا جۇمىس جۇرگىزىپ جاتىر.
وسىلايشا، مەملەكەت ەسەبىنە قاتتى پايدالى قازبالار بويىنشا 934 ميلليون تەڭگە ايىپپۇل ءوندىرىلدى (2023 -جىلدىڭ باسىنان بەرى 603 ميلليون تەڭگە)، سونداي- اق كومىرسۋتەك شيكىزاتى سالاسىنداعى 9 كەلىسىمشارت بويىنشا 1,94 ميلليارد تەڭگە بەرەشەك وتەلدى.
ۇكىمەتتىڭ جەر قويناۋىن پايدالانۋ سالاسىن ودان ءارى دامىتۋ جونىندەگى جۇمىسى جالعاسادى.