دارىگەرلەر «اقكەنت» تۇرعىن ءۇي كەشەنىندەگى ورتتەن زارداپ شەككەندەردىڭ جاعدايىن ايتتى

الماتى. قازاقپارات - الماتى قالالىق قوعامدىق دەنساۋلىق ساقتاۋ باسقارماسى «اقكەنت» تۇرعىن ءۇي كەشەنىندە بولعان ءورت سالدارىنان زارداپ شەككەن تۇرعىنداردىڭ جاعدايىن ءمالىم ەتتى، دەپ حابارلايدى قازاقپارات ءتىلشىسى.
None

بۇعان دەيىن ءورت سالدارىنان بارلىعى 49 ادام زارداپ شەككەن، ونىڭ ىشىندە ەكى ەرەسەك ادامنىڭ №7 قالالىق كلينيكالىق اۋرۋحاناعا جاتقىزىلعانىن حابارلاعانبىز.

«ەكى ناۋقاستىڭ جاعدايى ءبىرقالىپتى، رەانيماتسيادان بولىمگە اۋىستىرىلدى. بارلىق قاجەتتى مەديتسينالىق كومەكتى تولىق كولەمدە كورسەتىلىپ جاتىر»، - دەپ حابارلادى ۆەدومستۆودان.

ءتۇرلى دەنە جاراقاتىن العان 15 بالانىڭ 9 ى بالالارعا جەدەل جانە شۇعىل كومەك كورسەتۋ ورتالىعىندا، 6 بالا №2-بالالار كلينيكالىق اۋرۋحاناسىنا تۇسكەن ەدى. ولاردىڭ ءبىرى رەانيماتسيا جانە قارقىندى تەراپيا بولىمىنە ءتۇستى.

«رەانيماتسيادان شىققان بالا توكسيكولوگيا بولىمىنە اۋىستىرىلدى. قالعاندارىنىڭ جاعدايى جاقسارىپ كەلەدى. ءۇش ناۋقاستى ەرتەڭ، جاعدايلارى ءبىرقالىپتى بولعان جاعدايدا تاعى ۇشەۋىن وسى سەنبىدە شىعارعالى وتىرمىز» ، - دەپ تولىقتىردى ۆەدومستۆودان.

ەسكە سالساق، 1-تامىزدا الماتىداعى «اقكەنت» شاعىناۋدانىندا 16 قاباتتى كوپقاباتتى ۇيدە ءورت شىعىپ، ناتيجەسىندە بارلىعى 49 ادام زارداپ شەگىپ، ءبىر ايەل العان جاراقاتىنان قايتىس بولدى.


سوڭعى جاڭالىقتار