استانادا بايگەدەن ەل بىرىنشىلىگىنىڭ ىرىكتەۋ كەزەڭى وتەدى

ەل بىرىنشىلىگى استانا قالاسىنىڭ اكىمدىگى مەن ق ر ۇلتتىق سپورت تۇرلەرى قاۋىمداستىعىنىڭ ۇيىتقى بولۋىمەن وتكىزىلمەك.
شوقتىعى بيىك ۇلتتىق سپورت جانكۇيەرلەرى مەن كاسىبي سپورتشىلاردىڭ جۇرەگىن جاۋلاپ الاتىن وقيعا استانا قالاسىنىڭ يپپودرومىندا وتەدى.
شاباندوزدار ءارتۇرلى جۇلدە مەن فينالدىق سايىسقا بەرىلەتىن جولدامانى ۇتىپ الۋ ءۇشىن وتكىزىلەتىن جارىس اياسىندا ءوز شەبەرلىگى مەن كاسىبي دەڭگەيىن كورسەتۋ مۇمكىندىگىنە يە بولادى.
تۋرنير ات جارىسىنىڭ قۇنان بايگە، توپ بايگە، الامان بايگە جانە جورعا جارىس سياقتى ءتورت ءتۇرى بويىنشا وتەدى، جالپى جۇلدە قورى - 23,5 ميلليون تەڭگە.
ءىس-شارا اياسىندا ويىن-ساۋىق باعدارلامالارى ۇيىمداستىرىلادى.
ايتالىق قىز-كەلىنشەكتەر اراسىندا «ۇلتتىق كيىم - ۇلت اجارى» دەگەن اتپەن بايقاۋ وتكىزىلەدى.
جۇلدە قورى - 1 ميلليون تەڭگە.
بايقاۋعا قاتىسۋشىلار كورەرمەن نازارىنا ءوز قولىمەن تىككەن، بىرەگەي كيىمدەرىن ۇسىنۋى ءتيىس.
سونداي-اق كورەرمەن اراسىندا ءارتۇرلى جۇلدە ويناتىلادى، جۇلدە قورى - 3 ميلليون تەڭگە.