ەلىمىزدە جەر يەلەرى قانداي زاڭسىزدىقتارعا ءجيى بارادى

استانا. قازاقپارات - ەلىمىزدە جەر ۋچاسكەلەرى يەلەرى ونى پايدالانۋدا قانداي زاڭسىزدىقتارعا ءجيى باراتىنى بەلگىلى بولدى، دەپ حابارلايدى قازاقپارات ءتىلشىسى.
None

«مەملەكەتتىك جەر ۋچاسكەلەرىن زاڭسىز يەلەنىپ الۋ، جەر ۋچاسكەسىن قورشاۋ ماقساتىندا ونى قازۋ ارقىلى ارقىلى زالال كەلتىرۋ، ياعني، جەردىڭ قۇنارلى قاباتىن سىدىرىپ الۋ، سونىمەن قاتار ااۋىل شارۋاشىلىعى ماقساتىنداعى جەردى ۇتىمسىز پايدالانۋ، ماقساتقا ساي قولدانباۋ جانە بوس قالدىرۋ سەكىلدى فاكتىلەر ءجيى كەزدەسەدى»، - دەلىنگەن اۋىل شارۋاشىلىعى مينيسترلىگىنىڭ قازاقپارات جولداعان رەسمي ساۋال جاۋابىندا.

سونداي- اق، ۆەدومستۆودان جەر ۋچاسكەلەرىن بەرۋدە جەرگىلىكتى اتقارۋشى ورگانداردىڭ زاڭدى بۇزعان فاكتىلەرى انىقتالعانى ايتىلدى.

«وڭىرلەردەگى جەرگە ورنالاستىرۋ باسقارمالارى جەر ۋچاسكەسىنە قۇقىق بەرۋ بويىنشا مەملەكەتتىك قىزمەت كورسەتۋدەن نەگىزسىز باس تارتۋ تۋرالى ارىزداردى قاراۋعا قابىلداماي كەلگەن. وسىعان بايلانىستى بيۋروكراتياعا جول بەرمەۋ جانە وتىنىشتەردى قاراۋ بويىنشا ءبىرىڭعاي ساياساتتى قالىپتاستىرۋ ماقساتىندا مينيسترلىك تاراپىنان وسىنداي ارىزداردى اتقارۋشىلىق وندىرىسكە قابىلداۋ جانە بۇكىل وبلىستىق باسقارمالارعا جۇمىسقا قابىلداۋ جونىندە جەرگىلىكتى ينسپەكسيالارعا حات جولداندى»، - دەيدى مينيسترلىكتەن.

بۇعان دەيىن اۋىل شارۋاشىلىعى مينيسترلىگىنىڭ جىل سوڭىنا دەيىن 5 ميلليون گەكتار جەردى مەملەكەت مەنشىگىنە قايتارۋ جوسپارىن حابارلاعان ەدىك.


سوڭعى جاڭالىقتار