17:29, 02 - تامىز 2023 | GMT +5
ەلىمىزدە جەكەمەنشىك مەشىت بار ما
استانا. قازاقپارات - ەلىمىزدە جەكەمەنشىك مەشىت جوق. بۇل تۋرالى اقپارات جانە قوعامدىق دامۋ مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«ءدىني قىزمەت جانە ءدىني بىرلەستىكتەر تۋرالى» زاڭىنىڭ 7-بابىندا ءدىني بىرلەستىكتەر قۇلشىلىق ەتۋ ورىندارىن ۇستاۋعا قۇقىلى. وسى رەتتە، ەل اۋماعىنداعى بارلىق مەشىتتەر قازاقستان مۇسىلماندارى ءدىني باسقارماسى - رەسپۋبليكالىق يسلامي ءدىني بىرلەستىگىنىڭ مەنشىگىندە جانە فيليالى رەتىندە ادىلەت ورگاندارىندا تىركەلگەن»، - دەپ اتاپ وتەدى مينيسترلىكتەن اگەنتتىكتىڭ رەسمي ساۋالىنا بەرگەن جاۋابىندا.
بۇعان دەيىن ءدىني قىزمەتشىلەردىڭ جالاقىسى مەملەكەت تاراپىنان تاعايىندالمايتىندىعىن جازعان ەدىك.
سونىمەن قاتار ەلىمىزدەگى مەشىتتەردى كۇتىپ ۇستاۋعا دا مەملەكەت تاراپىنان قاراجات بولىنبەيدى.