الماتىدا ورتەنگەن ءۇيدىڭ ورتكە قارسى قورعانىس جۇيەسى ىستەمەگەن

الماتى. قازاقپارات - الماتىدا ءورت شىققان ۇيدە ورتكە قارسى قورعانىس جۇيەسى ىستەمەگەن.

بۇل تۋرالى «اقكەنت» شاعىناۋدانىنداعى كوپپاتەرلى تۇرعىن ۇيدەگى ءورت وقيعاسى بويىنشا وتكەن باسپا ءسوز ءماسليحاتىنان ءمالىم بولدى، دەپ حابارلايدى قازاقپارات.

الماتى قالالىق ت ج د باستىعىنىڭ مىندەتىن اتقارۋشى پولكوۆنيك ەرلان الىبەكوۆتىڭ ايتۋىنشا، كوپپاتەرلى تۇرعىن-ءۇيدىڭ وڭتۇستىك جاعىندا ءورت ءسوندىرۋ تەحنيكاسىنا ارنالعان پودەزد بولماعان. سول سەبەپتى سول جەردە ورنالاسقان پاتەرلەردىڭ ەسىكتەرىن قولمەن سىندىرىپ، اۆتو ساتىلار ءۇشىن جول اشۋعا تۋرا كەلگەن.

«بۇل جۇمىستارعا ءبىراز ۋاقىت كەتتى. ايتۋ كەرەك، ءۇيدىڭ تۇرعىندارىنىڭ بارلىعى كوندومينيۋم وكىلدەرى جانە ولار ينجەنەرلىك جابدىقتاردىڭ، ونىڭ ىشىندە ورتكە قارسى قورعانىس جۇيەلەرىنىڭ ۇقىپتى ساقتالۋىنا جاۋاپتى. كەشەگى جاعداي تۇرعىن ۇيدەگى تۇتىنگە قارسى قورعانىس جۇيەسىنىڭ جۇمىس ىستەمەيتىنىن كورسەتتى. ەگەر ول جۇمىس ىستەسە قاباتتاردى قاتتى ءتۇتىن باسپاس ەدى»، - دەدى ەرلان الىبەكوۆ.

ول سونداي-اق مۇنداي ۇيلەردە اپاتتىق شىعۋ جولى رەتىندە 5-قاباتان باستاپ جوعارى قاباتتاردىڭ بالكوندارىنا دەيىن جالعاسقان ليۋكتەر بولاتىنىن ايتتى.

«ولاردىڭ بارلىعى جابىق بولدى، ەگەر اشىق بولعان بولسا، جوعارعى قاباتتارداعى تۇرعىندار 5-قاباتقا دەيىن ءتۇسىپ، ارى قاراي ءبىزدىڭ ءورت سوندىرۋشىلەر ولاردى ەۆاكۋاتسيالايتىن ەدى»، - دەدى سپيكەر.